| e-texts navigator |
| Wylie |
281b1 མ་མཐོང་བས། བདག་ཉིད་འཇུག་པའི་སྤྱིལ་བུང་བ་ལྟས་ན་ཡང་བུ་མ་མཐོང་བུ་གཉིས་འདུག་པའི་སྐྱིལ་པོར་བལྟས་ན་ཡང་བུ་མ་མཐོང་སྟེ། དེ་ནས་བུ་རྩེ་བའི་གནས་ཆུ་འགྲམ་དུ་བཙལ་ན་ཡང་།
281b2 མཐོང་ངོ་།། སྔོན་བུ་དང་རྩེ་བའི་རི་དགས་ཤབ་དང་། 2་ཤ་དང་། གནན་གཟན་སེང་གེ་དང་། སྤྲེའུ་ལ་སོགས་ཏེ། མདུན་ནས་ལུས་ས་ལ་རྡེབས་ཤིང་སྒྲ་འབྱིན་ལ། སྔོན་རྩེ་བའི་རྫིང་བུ
281b3 ཆུ་ཡང་བསྐམས་པར་མཐོང་ནས། ཕྱིར་རྒྱལ་བུ་གང་ན་བ་དེར་སོང་སྟེ་ཕྱིན་པ་དང་། རྒྱལ་བུ་ལ་བདག་གི་བུ་གཉིས་ག་རེ་ཞེས་དྲིས་ན། རྒྱལ་བུ་ཅང་མི་སྨྲའོ།། བཙུན་མོས་ཡང་སྨྲས་པ
281b4 བདག་ནམ་ཤིང་ཐོག་ཐོགས་ཏེ་ཕྱིར་གནས་སུ་འཁོར་བ་ནས། བདག་གི་བུ་གཉིས་རྐྱང་ནས་རྒྱུག་ཅིང་མདུན་དུ་བསུས་ཏེ། བརྡེག་འཆོས་ན་ཡང་ཕྱིར་ལངས་ཏེ། དཀྱུ་མཆོང་ཞིང་། ཨ་མ་འོངས་ཨ་མ
281b5 འོངས་སོ་ཞེས་འབོད་དོ།། བདག་འདུག་པ་ན་གཉིས་ཀ་གཡས་གཡོན་ན་འདུག་ཅིང་། ཕྲག་པའམ། ལུས་ལ་རྡུལ་གོས་ན་ཡང་འཕྱི་ཞིང་སྤྲུག། ད་བདག་གི་བུ་ག་རེ་མ་མཐོང་ན། གཞན
281b6 ལ་མ་བྱིན་ནམ། འདི་ལྟར་མ་མཐོང་བས། བདག་གི་སྙིང་གས་པར་འགྱུར་གྱིས། བདག་གི་བུ་ག་ལ་འདུག་མྱུར་དུ་སྨྲོས་ཤིག། བདག་མྱོས་པར་འགྱུར་རོ་ཞེས། དེ་ལྟར་ལན་གཉིས
281b7 ལན་གསུམ་གྱི་བར་དུ་དྲིས་ཀྱང་ལན་མ་སྨྲས་སོ།། བཙུན་མོས་ཡང་སྨྲས་པ། ལྷག་པར་སྡུག་བསྔལ་གྱིས་གདུངས་ཏེ། བུ་གཉིས་མ་མཐོང་བ་ལྷ་ཚོད་ཡོད་ན། རྒྱལ་བུས་ལན་མ་སྟེར་བས
iiif viewer powered by OpenSeadragon
