| e-texts navigator |
| Wylie |
281a1 འགྲོ་སྟེ། མ་དང་བྲལ་བར་གྱུར་ན། བདག་ཅག་གི་མ་རི་ལ་ཤིང་ཐོག་ཚོལ་ཞིང་བརྡར་བཏང་སྟེ་མྱུར་དུ་བདག་ཅག་དང་ཕྲད་པར་ཤོག་ཅིག་ཅེས་མི་སྦྲན་ནམ་ཞེས
281a2 དེ་སྐད་སྨྲས་པ་དང་། བུའི་མ་རི་ལ་འདུག་པའི་རྐང་པ་གཡོན་པ་མཐིལ་གཡའ་ཞིང་གཡོ་བ་དང་། མིག་གཡོན་པའང་འགུལ། མུ་མ་གཉིས་ནས་ནུ་ཞོའང་རང་ཟག་པར་གྱུར་ནས་འདི་སྙམ
281a3 དུ་འདི་འདྲ་བའི་ལྟས་ངན་གནའ་ནས་མ་བྱུང་ན། བདག་གི་བུ་གཉིས་ལ་ཡེ་འདྲོག་མ་བྱུང་ངམ་སྙམ་བསམས་ནས་ཤིང་ཐོག་གིས་ཅི་ཞིག་བྱ་སྙམ་སྟེ། ཤིང་ཐོག་བརྡ་བའང་བཏང་ནས།
281a4 མྱུར་བར་ཕྱིར་གནས་སུ་འགྲོ་བར་ཆས་སོ།། དེའི་ཚེ་སུམ་ཅུ་རྩ་གསུམ་པའི་གནམ་གྱི་ལྷའི་དབང་པོས་རྒྱལ་བུས་གཞན་ལ་བུ་བྱིན་པར་ཤེས་ནས་བཙུན་མོས་དགེ་བར་བསམས་པའི་སེམས།
281a5 ཀྱི་བར་ཆད་བྱེད་དུ་དོགས་པས་སེང་གེ་ཞིག་ཏུ་སྤྲུལ་ནས། ལམ་གྱི་སྲང་དུ་བསྡད་དོ།། བཙུན་མོས། སེང་གེ་ལ་སྨྲས་པ། ཁྱོད་ནི་གཅན་གཟན་གྱི་རྒྱལ་པོ།། ཁོ་མོ་ནི་མིའི་རྒྱལ་མོ་ཡིན
281a6 ཏེ། རི་ལ་འཁོད་པར་འདྲ་ན། ཅུང་ཟད་ལམ་ལས་བྱོལ་ཏེ་བདག་ཐོང་ཞིག། བདག་ལ་ཆུང་ངུ་མ་ཤེད་མ་བྱེ་བ་གཉིས་ཤིག་ཡོད་དེ། ད་ཙམ་གྱི་བར་དུ་ཅིའང་མ་ཟོས་པས། བདག་འོང་དུ་རེ་སྟེ
281a7 སྡོད་དོ།། སེང་གེས་ཀྱང་བྲམ་ཟེ་དེ་རྒྱང་རིང་དུ་ཐལ་བར་ཤེས་ནས། ལམ་ལས་བྱོལ་ཏེ་བཙུན་མོ་བཏང་ངོ་།། བཙུན་མོ་ཕྱིར་གནས་སུ་འོངས་ནས་རྒྱལ་བུ་འབའ་ཞིག་སྣང་གི། བུ་གཉིས
iiif viewer powered by OpenSeadragon
