| e-texts navigator |
| Wylie |
279a1 ལམ་དུ་ཉོན་མོངས་ཤིང་ངལ་བར་མ་གྱུར་ཏ་མ། ཅི་འདོད་ཅེས་སྤྲོ་བའི་གཏམ་བྱས་སོ།། བྲམ་ཟེས་སྨྲས་པ། བདག་ལམ་རིང་པོ་ནས་འོངས་ཏེ། ལུས་ཐམས་ཅད་རྩེ་ཞིང་ངལ་ཏེ། བཀྲེས་སྐོམ
279a2 ཞེས་སྨྲས་པ་དང་། རྒྱལ་བུས་ནང་དུ་ཁྲིད་ནས་སྟན་ལ་འདུག་ཏུ་བཅུག་སྟེ། ཤིང་ཐོག་དང་། ཤིང་གི་འབྲས་བུ་དང་། བཏུང་བའི་སྐོམ་མདུན་དུ་ཕབ་ནས་བྲམ་ཟེས་ཀྱང་སྐོམ་འཐུངས་ཤིང་ཐོག་ཟོས
279a3 ཏེ། ཐལ་བྱུང་རྒྱལ་བུ་ལ་འདི་སྐད་ཅེས་སྨྲས་སོ།། བདག་ནི་ཡུལ་ཀེའུ་ལེའུ་ཞེས་བྱ་བའི་ཡུལ་མི་ཡིན་ཏེ། སྔ་ཞིག་ནས་རྒྱལ་བུ་སྦྱིན་པ་ལ་དགའ་འོ་ཞེས་ཕྱོགས་བཅུར་གྲགས་ཤིང་ཐོས་པས། བདག་ནི
279a4 རྒྱལ་བུ་དབུལ་འཕོངས་ཏེ། རྒྱལ་བུ་ལ་སློང་དུ་འོངས་སོ།། རྒྱལ་བུས་སྨྲས་པ། བདག་ལ་ཡོད་པ་ལས་ཁྱོད་ལ་མ་བྱིན་ན་ནི། ཆགས་ཤིང་སེར་སྣ་བྱེད་པར་ཡང་འགྱུར་ན། བདག་ལ་ཅི་བདོག་པ
279a5 སྔར་བཏང་བས་ད་ནི་ཅིའང་སྦྱིན་དུ་མེད་དོ།། བྲམ་ཟེས་སྨྲས་པ། དེ་ལྟར་ནོར་རྫས་སྦྱིན་དུ་མེད་ན། ཁྱོད་ཀྱི་བུ་གཉིས་བདག་རྒན་པོའི་བཀོལ་བ་འམ། བྲན་དུ་བྱིན་ཅིག་ཅེས་དེ་བཞིན་དུ་ལན་གཎྜཱི
279a6 ལན་གསུམ་གྱི་བར་དུ་སྨྲས་ནསརྒྱལ་བུས་ཀྱང་ཁྱོད་ལམ་རིང་པོ་ནས་འོངས་ལ། བདག་གིས་བུ་གཉིས་འདོད་པ་རབ་ཏུ་ལེགས་ཀྱིས་སྦྱིན་ནོ་ཞེས་སྨྲས་སོ།། དེའི་ཚེ་ན་བུ་མི་སྲིང་གཉིས་རྩེ
279a7 སོང་སོང་བ་ལས། རྒྱལ་བུས་བོས་ནས། བུ་ལ་འདི་སྐད་ཅེས་བསྒོའོ།། བྲམ་ཟེ་འདི་ལམ་རིང་པོ་ནས་བུ་ཁྱེད་གཉིས་སློང་ངོ་ཞེས་ཟེར་ནས་ཁོ་བོས་ཀྱང་སྦྱིན་པ་ཡིན་གྱིས་ཁྱེད་གཉིས
iiif viewer powered by OpenSeadragon
