| e-texts navigator |
| Wylie |
276a1 དུ་རི་ལ་གནས་ཀྱང་རྡོ་ཤིང་དང་ཐ་མི་དད་དེ། བདག་དང་བདག་གིར་མི་འཛིན་ན། གདོད་ལམ་ཐོབ་པར་འགྱུར་ཞེའོ།། དགེ་སློང་གིས་སྨྲས་པ་བདག་གིས་ཡང་དག།
276a2 པར་དོན་དེ་ལྟ་བུ་མི་ཤེས་སོ།། དེ་ནས་རྒྱལ་བུས་དགེ་སློང་ལ་སྨྲས་པ་བཙུན་པ་ཡུལ་ཡ་བའི་རྒྱལ་བུ་རྒྱལ་ཚབ་དོན་གྲུབ་ཅེས་བྱ་བ་ཐོས་སམ། དགེ་སློང་གིས་སྨྲས་པ། བདག་གིས་རྒྱུན་དུ
276a3 ཐོས་ཀྱི་མཐོང་བ་མ་ཡིན་ནོ།། རྒྱལ་བུས་སྨྲས་པ་བདག་ནི་རྒྱལ་བུ་རྒྱལ་ཆབ་དོན་གྲུབ་ཅེས་བྱ་བ་ཡིན་ནོ།། དགེ་སློང་གིས་རྒྱལ་བུ་ཁྱོད་གར་འགྲོ། ཅི་འདོད་ཅེས་དྲིས་པ་དང་། རྒྱལ་བུས་སྨྲས་པ།
276a4 བདག་ནི་ཐེག་པ་ཆེན་པོའི་ལམ་འདོད་དོ་ཞེས་སྨྲས་སོ།། དགེ་སློང་གིས་སྨྲས་པ། རྒྱལ་བུའི་ཡོན་ཏན་དང་སྦྱར་ན། རིང་པོར་མི་ཐོགས་པར་ཐེག་པ་ཆེན་པོའི་ལ་མཐོབ་པར་འགྱུར་ཏེ། རྒྱལ་བུ་ཐམ
276a5 མེད་པའི་བྱང་ཆུབ་མངོན་པར་སངས་རྒྱས་པ་ན། བདག་ནི་ཉེ་གནས་རྫུ་འཕྲུལ་གྱི་མཆོག་ཏུ་གྱུར་ཅིག་ཅེས་སྨྲས་ནས། རྒྱལ་བུ་ཁྲིད་དེ་འདུག་པའི་གནས་བསྟན་ཏོ།། དེ་ནས་དགེ་སློང་གིས་ཆོས་བཞིན་དུ
276a6 རྒྱལ་བུའི་སྐྲ་བླངས་ནས། མདུད་པ་བོར་ནས། ཟས་སུ་ནི་ཤིང་གི་འབྲས་བུ་ཤིང་ཐོག་ཟ། སྐོམ་དུ་ནི་ཆུ་མིག་འཐུང་ངོ་།། དེ་ནས་རྒྱལ་བུས་ཤིང་དང་རྩཝ་བསྡུས་ཏེ། བདག་འདུག་པའི་རྩཝའི་སྦྱི
276a7 པོ་ཆུང་དུ་མ་ཅིག་བྱས། བཙུན་མ་མན་ཏེ་བུ་མིང་སྲིང་གཉིས་འདུག་པའི་སྐྱིལ་པོ་རེ་རེ་ཡང་བྱས་སོ།། དེའི་ཚེ་ན་ཁྱེའུའི་མིང་ནི་ཡི་ར་ཞེས་བྱ་སྟེ་ལོ་བདུན་ལོན་ནས། གོས་རང་གྱོ་མ་ནུས་ཏེ།
iiif viewer powered by OpenSeadragon
