| e-texts navigator |
| Wylie |
275a1 བཀའ་སྩལ་པས། ད་འདིར་འདུག་པར་གྱུར་ན། རྒྱལ་པོའི་བཀའ་དང་འགུལ་ཏེ། བུ་སྲི་ཞུ་ཅན་མ་ཡིན་ནོ་ཞེས་སྨྲས་པས། རྒྱལ་བུ་དེ་མ་ཐག་ཏུ་བྱམས་པན
275a2 སེམས་ཀྱིས་ཏིང་ངེ་འཛིན་དུ་ཞུགས་པ་དང་། མོད་ལ་ཆུའི་ནང་ནས་རི་ཆེན་པོ་ཞིག་བྱུང་ནས་ཆུའི་རྒྱུན་བཅད་དོ།། དེ་ནས་རྒྱལ་བུ་དང་བཙུན་མོ་གོས་བརྫེས་ཏེ། ཆུ་བརྒལ་ནས། ཕར
275a3 བརྒལ་མ་ཐག་ཏུརྒྱལ་བུས་ཡང་འདི་སྙམ་དུ་བསམས་སོ།། ཐལ་བྱུང་སོང་བར་གྱུར་ན། ཆུ་འཁྱིལ་བ་འདིས་སེམས་ཅན་མང་དུ་འཆི་སྟེ། གྲོག་སྐུར་མང་པོ་ཆུས་ཁྱེར་བར་འགྱུར་སྙམ
275a4 བསམས་ནས་རྒྱལ་བུ་ཕྱིར་ཆུ་ལ་བལྟས་ཏེ། འདི་སྐད་ཅེས་སྨྲས་སོ།། ཆུ་ཁྱོད་སྔ་མཁོ་བཞིན་དུ་རྒྱུན་དུ་འབབ་ཅིང་གལ་ཏེ་བདག་འདོད་པ་ཞིག་འོངས་ན་ཡང་ཐར་པར་བྱོས་ཤིག་ཅེས་སྤྲས་མ
275a5 ཐག་ཏུ་ཆུ་ཡང་སྔ་མཁོ་བཞིན་དུ་འབབ་པར་གྱུར་ཏོ།། དེ་ནས་སོང་བ་ལས་རི་དན་ཏིག་ཏུ་ཕྱིན་ནས། རྒྱལ་བུས་རི་དེ་ལ་བལྟས་ན། རི་དེ་རང་རོང་དང་ཟང་ཟེད་དུ་འདུག་ལ། ཤིང་མང་པོ་རབ་ཏུ་རྒྱས
275a6 ཤིང་། བྱ་སྣ་ཚོགས་ཀྱང་སྙན་པའི་སྒྲ་འབྱིན། འབབ་ཆུ་དང་། ཆུ་མིག་དང་། མཚེའུ་དང་། ལྟེང་ཀར་ལྡན་ཏེ། ཆུ་ནི་མངར། འབྲས་བུ་ཞིམ། ཆུ་བྱ་དང་། ངང་དུར་དང་། འཛིན་མོ་དང་།
275a7 རི་སྐེགས་ལ་སོགས་པ་བྱ་རྣམ་པ་སྣ་ཚོགས་དག་ཀྱང་གནས་པ་མཐོང་ནས་རྒྱལ་བུས་བཙུན་མོ་ལ་ཡང་འདི་སྐད་ཅེས་སྨྲས་སོ།། རི་འདི་ལ་བལྟས་ན་ཤིང་དང་ཚལ་གནམ་ལ་རེག
iiif viewer powered by OpenSeadragon
