| e-texts navigator |
| Wylie |
273a1 པ་མཛད་པ་ནི། འཇིག་རྟེན་གང་ནའང་འདི་འདྲ་བ་མེད་པས། ཡིད་བཞིན་དུ་སྦྱིན་པ་མཛད་དུ་གསོལ། རྒྱལ་བུས་སྨྲས་པ། ཁྱོད་དེ་ལྟར་ནུས་ན་ཤིན་ཏུ་ལེགས་སོ།།
273a2 ཞེས་རྒྱལ་བུ་དང་བཙུན་མོ་དང་། སྲས་གཉིས་དང་བཅས་འགྲོགས་ཏེ། ཡུམ་གང་ན་བ་དེར་སོང་ནས་ད་བདག་ཅག་མཆིའོ་ཞེས་མཆི་ཕྱག་བྱས་ནས། ཡུམ་ལ་འདི་སྐད་ཅེས་གསོལ
273a3 ཏོ།། ཡུམ་གྱིས་སྐབས་སྐབས་སུ་རྒྱལ་བུ་ཆེན་པོ་ལ་ཅི་ནས་དཀར་པོའི་ཆོས་ཀྱིས་ཡུལ་གྱི་སྲིད་བདེ་ཞིང་འབངས་མང་པོ་སྐམས་ལས་མི་བཅད་པར་གྲོས་གདབ་པར་གསོལ་ལོ།། ཡུམ་གྱིས
273a4 རྒྱལ་བུ་འགྲོའོ་ཞེས་མཆི་ཕྱག་བྱས་པ་མཐོང་ནུས། ལྷག་པར་མྱ་ངན་གྱིས་གདུས་ཏེ། དྲུང་ན་འདུག་པ་ལ་འདི་སྐད་ཅེས་སྨྲས་སོ།། ཁོ་མོའི་ལུས་འདི་ནི་རྡོ་བ་ཡིན་པ་ལ། སྙིང་ནི་རྡོ་རྗེ་ཡིན་པ
273a5 ལྟ་སྟེ། བདག་གིས་རྒྱལ་པོ་ཆེན་པོའི་རིམ་གྲོ་བྱ་བ་ལ་སྐྱོན་མ་བྱུང་ན། ད་ཁོ་མོའི་བུ་གཅིག་པུ་འདི་དང་བྲལ་ཏེ། འགྲོ་ན་ཅིའི་ཕྱིར་ཁོ་མོའི་སྙིང་འདིགས་ཏེ་ཤི་བར་མ་གྱུར། བུ་འདི་ཁོ་མོའི་ཁོང
273a6 པ་ན་འདུག་པ་ན། སྐྱེད་ཤིང་གི་འདབ་མ་ལྟར་ཅིན་མཚན་ཆེར་སྐྱེས་ཏེ། ད་སྐྱེད་རྫོགས་ནས། ལོ་མོ་བོར་ཏེ་སོང་བས་ན། བཙུན་མོ་ཐམས་ཅད་ཀྱང་བདག་ལ་སྙིང་ཚིམ་མོ་ཞེས་བརྗོད་ལ་@#
273a7 པོས་ཀྱང་བཀུར་བར་མི་འགྱུར་ན། གལ་ཏེ་ལྷ་རྣམས་ཀྱིས་བདག་གི་སྨོན་ལམ་བཞིན་མི་འགལ་བར་མཛད་ན། བདག་གི་བུ་ཕྱིར་ཡུལ་དུ་འཁོར་བར་ཤོག་ཅིག་ཅེས་སྨོན་ལམ་བཏབའོ།།
iiif viewer powered by OpenSeadragon
