| e-texts navigator |
| Wylie |
272b1 པའི་གནས་སུ་ཡང་མི་རུང་ན། ས་ལ་གཟེ་མ་དང་། གསེག་མ་དང་། རྡོ་བ་ཡང་མང་ཞིང་། སྦྲུལ་གདུག་པ་ཡང་ཡོད་ན། ཁྱོད་དེ་ལྟ་བུ་དགུ་བཟོད་དམ། མན་ཏེས་སྨྲས་པ། དག་ལ་གཞིན་ནང་།
272b2 འཇམ་པ་དང་། གུར་དང་། ཡོལ་བ་དང་། མངར་བ་དང་། ཞིམ་པས་ཅི་ཞིག་བགྱི། རྒྱལ་བུ་དང་བྲལ་ཞིང་སོ་སོར་མཆི་བ་བདག་མི་བཟོད་དོ།། ནམ་དུའང་རྒྱལ་བུ་དང་མི་འབྲལ་ཞིང་ལྡན་ཅིག
272b3 འགྲོགས་པར་དགའ་འོ།། རྒྱལ་པོའི་ཐོག་མར་འགྲོ་བ་ནི་རྒྱལ་མཚན། མེའི་ཐོག་མར་འགྲོ་བ་ནི་དུད་པ། ཆུང་མའི་ཐོག་མར་འགྲོ་བ་ནི་ཁྱིམ་ཐབ་ཡིན་པས་བདག་ནི་རྒྱལ་བུ་ལ་ཡིད་བརྟན་ཏེ་སྐྱ
272b4 སུ་མཆིའོ།། རྒྱལ་བུ་ནི་བདག་གི་ལྷ་ལགས་ཏེ། རྒྱལ་བུས་ཕྱོགས་བཞི་ནས་འདུས་པའི་སྦྱིན་པ་བྱིན་པའི་ཆ། བདག་གིས་ཀྱང་རྒྱལ་བུའི་གྲོགས་བགྱིད་པས། ང་རྒྱལ་བུ་ལམ་རིང་དུ་འགྲོས
272b5 ལས། གལ་ཏེ་ཕ་རོལ་པོ་སྤོང་བ་འོངས་ཏེ། བདག་གིས་དེ་བཞིན་དུ་གྲོགས་བགྱི། རྒྱལ་བུས་སྦྱིན་པ་མཛད་ན། བདག་གི་སྲོག་ལ་བབ་ཀྱང་མི་བྱར་མི་རུང་ངས། ཐེ་ཙོམ་མི་མཛད་དུ
272b6 གསོལ། རྒྱལ་བུས་སྨྲས་པ། བདག་ནི་སྦྱིན་པ་ལ་དགའ་བས། ཕ་རོལ་གྱི་སེམས་མི་བཟློགས་ཏེ། ཕ་རོལ་པོས་བདག་ལ་གལ་ཏེ་བུ་འམ་ཁྱོད་ཉིད་སློང་བ་འོངས་ན་ཡང་བདག་གིས་མི་གཏོང་མ་ནུས
272b7 སོ།། ཅི་སྟེ་བདག་གིས་བསམས་པ་ཁྱོད་ཀྱིས་དེ་བཞིན་དུ་མ་བྱས་ན་ནི། བདག་གིས་དགེ་བའི་སེམས་འཁྲུགས་པར་གྱུར་པས། འགྲོ་བ་མི་རིགས་སོ།། མན་ཏེས་སྨྲས་པ། རྒྱལ་བུས་སྦྱིན
iiif viewer powered by OpenSeadragon
