| e-texts navigator |
| Wylie |
272a1 ནས་འདི་སྐད་ཅེས་སྨྲས་སོ།། རྒྱལ་བུ་ལ་ཉེས་པ་ཅི་ཞིག་མཆིས་ན་རྒྱལ་པོས་དེ་ལྟར་མཛད་པར་གྱུར། རྒྱལ་བུས་སྨྲས་པ། བདག་གིས་སྦྱིན་པ་མ་འོས་པ་ཞིག་བྱས།།
272a2 ཏེ། རྒྱལ་པོའི་བང་མཛོད་ཀྱང་སྟོངས། བལ་གླང་རིན་པོ་ཆེ་ཡང་དགྲ་ཟླ་ལ་བྱིན་ཞེས་རྒྱལ་པོ་དང་བློན་པོ་རྣམས་ཁྲོས་ནས། བདག་སྤངས་པ་ཡིན་ནོ།། བཙུན་མོ་མན་ཏེས་སྨྲས་པ། རྒྱལ་པོའི
272a3 ཡུལ་དུ་ལོ་ལེགས་པ་དང་། རྒྱལ་པོ་ཆེན་པོ་དང་། བློན་པོ་དང་། འབངས་ཀྱི་བར་དུ་བདེ་སྐྱིད་པ་དང་། ལོངས་སྤྱོད་ཆེ་བར་སྨོན་ལམ་ལེགས་པར་བཏབ་ལ། བདག་ཅག་རི་ལ་སྒོམ་དུ་འདོང་ངོ་།།
272a4 རྒྱལ་བུས་སྨྲས་པ། བཞིན་བཟངས་རི་ནི་འཇིགས་པའི་གནས་ཡིན་ཏེ། ཤིན་ཏུ་བྱ་དཀའ་བ་བསམ་དགོས་ལ། སེང་གེ་དང་སྟག་ལ་སོགས་པ་གཅན་གཟན་མ་རུངས་པ་ཡོད་པས། རབ་ཏུ
272a5 འཇིགས་ན་ཁྱོད་ནི་ལོངས་སྤྱོད་མང་བ་ཡིན་པས། ཁྱོད་དེ་ལྟ་བུ་བདག་ལ་བཟོད་དམ། ཁྱོད་ཕོ་བྲང་གི་ནང་ན་གོས་སུ་ནི་ཕྲ་བ་དང་འཇམ་པ་གྱོན་པ། གནས་སུ་ནི་གུར་དང་ཡོལ་བས་བསྐོར་བ་ན
272a6 འདུག། ཟས་སུ་ནི་ཅི་ལ་དགའ་བ་བཞིན་ཞིམ་པ་དང་མངར་བ་ལ་ཟ་ན། རི་ལ་ནི་སྟན་དུ་ནི་རྩཝ་འདིངས། ཟས་སུ་ནི་འབྲས་བུ་ཟན། ཁྱོད་དེ་ལ་མོས་ཤིང་དགའ་བ་ཅི་ཞིག་ཡོད། དེ་མ་ཡིན་པ་གཞན
272a7 ཡང་རླུང་དང་། ཆར་པ་དང་། འབྲུག་དང་། སེར་བ་ཆེ་ཞིང་བ་མོ་དང་ཟིལ་པས་མིའི་སྤུ་ཡང་ལངས་པ་ཙམ་དུ། གྲང་བའི་ཚེ་ནཱ་ནི་གྲང་རབ་ལ། ཚ་བའི་ཚེ་ན་ནི་ཆ་རབ་སྟེ། ཤིང་གི་གསེབ་ན་འདུག
iiif viewer powered by OpenSeadragon
