| e-texts navigator |
| Wylie |
271a1 དུ་དགོན་པར་སྤངས་ན། སྨྲ་བབ་ཅིང་ངོ་ཚ་བར་འགྱུར་རོ་ཞེས་གསོལ་པ་དང་། རྒྱལ་པོས་ཀྱང་བློན་པོ་ཆེན་པོའི་ཚིག་མཉན་ཏོ།། དེ་ནས་རྒྱལ་པོས་རྒྱལ་དུ་རྒྱལ།
271a2 ཚ་བ་བཀུག་སྟེ། འདི་སྐད་ཅེས་སྨྲས་སོ།། ཁྱོད་ཀྱིས་ངའི་བལ་གྱི་གླང་པོ་ཆེ་དགྲ་ཟླ་ལ་བྱིན་པ་བདེན་ནམ་ཞེས་དྲིས་པ་དང་། རྒྱལ་བུས་གསོལ་པ། བདག་གིས་སྩལ་བ་མེད་དོ་ཞེས་གསོལ
271a3 ཏོ། རྒྱལ་པོས་སྨྲས་པ། རྒྱལ་བུ་ཁྱོད་ཅིའི་ཕྱིར་ང་ལ་མ་ཞུས་པར་ངའི་བལ་གྱི་གླང་པོ་ཆེ་དགྲ་ཟླ་ལ་བྱིན་ཞེས་དྲིས་པ་དང་། རྒྱལ་བུས། རྒྱལ་པོ་ལ་འདི་སྐད་ཅེས་གསོལ་ཏོ།། སྔར་ཡང་རྒྱལ་པོ།
271a4 དང་དམ་བཅས་པ་ན། སྦྱིན་པ་ཅི་སྦྱིན་ན་ཡང་མི་འགལ་བར་མཛད་དོ་ཞེས་གསུངས་པ་དེས་རྒྱལ་པོ་ལ་མ་ཞུས་པ་ལགས་སོ།། རྒྱལ་པོས་སྨྲས་པ། སྔར་དམ་བཅས་པ་ནི། ནོར་དབྱིག
271a5 དང་། རིན་པོ་ཆེ་ལ་དབང་བར་བྱས་ན། བལ་གྱི་གླང་པོ་ཆེ་ཅི་གཏོགས། རྒྱལ་བུས་གསོལ་པ། དེ་དག་ཐམས་ཅད་རྒྱལ་པོ་མངའ་བའི་དཀར་ལགས་ན། ཅིའི་སླད་དུ་འདི་བཀོལ་ཏེ་མ་གཏོགས
271a6 ཞེས་གསུངས། རྒྱལ་པོས། རྒྱལ་བུ་རྒྱལ་ཚ་བ་ལ་སྨྲས་པ། ཁྱོད་རི་དན་ཏིག་ཏུ་ལོ་བཅུ་གཉིས་སྤངས་ཀྱིས། ཡུལ་འདི་ནས་མྱུར་དུ་བྱུང་སྟེ་སོང་ཞིག། རྒྱལ་བུས། རྒྱལ་པོ་ལ་གསོལ།
271a7 པ། བདག་རྒྱལ་པོ་ཆེན་པོས་བཀའ་སྩལ་པའི་བཀའ་མི་གཅོག་ན། ད་དུང་ཡང་ཞག་བདུན་ཞིག་སྦྱིན་པ་བགྱིས་ཏེ། བདག་གིས་བསམ་པ་རྫོགས་ནས། ཡུལ་འདི་ནས་བྱུང་སྟེ་མཆི་བར་འཚལ
iiif viewer powered by OpenSeadragon
