| e-texts navigator |
| Wylie |
270b1 ཆེར་དངངས་ནས། གདན་ཁྲི་ལས་ལྷུང་སྟེ། མི་དྲན་པར་བརྒྱལ་བར་གྱུར་པ་ལས། ཆུས་གཏོར་ནས། རིང་ཞིག་ལོན་པ་དང་། བྱིས་སངས་པར་གྱུར། བཙུན་མོ་ཉི་ཁྲི་སྙེད་ཀྱང་ཐམས་ཅད།
270b2 མྱ་ངན་གྱིས་ནོན་པར་གྱུར་ཏོ།། དེ་ནས་རྒྱལ་པོ་དང་། བློན་པོ་རྣམས་འདུས་ནས། ང་རྒྱལ་བུ་དེ་འདི་ལ་ཇི་ལྟར་བྱ་ཞེས་བགྲོས་པ་དང་། དེའི་ནང་ན་བློན་པོ་གཅིག་གིས་ནི། བལ་གླང་གི
270b3 ལྷས་སུ་སོང་བ་ནི། རྐང་པ་བཅག་པའི་རིགས། བལ་གླང་བཟུང་བ་ན་ལག་པ་བཅག་པའི་རིགས། མིག་གིས་བལ་གླང་ལ་བལྟས་ན་ཡང་། མིག་དབྱུང་བའི་རིགས་ཞེས་གསོལ།
270b4 ཅིག་གིས་ནི་མགོ་བཅག་པའི་རིགས་སོ་ཞེས་བློན་པོ་རྣམས་སོ་སོ་ནས་བགྲོས་ཏེ། གསོལ་བའི་ཚིག་རྒྱལ་པོས་ཐོས་ནས། རབ་ཏུ་མི་དགའ་ཞིང་མྱ་ངན་གྱིས་ནོན་ཏེ། བློན་པོ་རྣམས་ལ་འདི
270b5 སྐད་ཅེས་བསྒོའོ།། ངའི་བུ་འདི་ལེགས་པའི་དོན་ལ་མོས་ཏེ། སྦྱིན་པ་ལ་དགའ་བ་ཡིན་ན། ཇི་ལྟར་མཐོ་བཙམ་ཞིང་གཟུང་བར་བྱ། དེའི་ནང་ནི་བློན་པོ་གཅིག་གིས་བློན་པོ་སྔ་མ་རྣམས་ཀྱི
270b6 བགྲོས་པ་མི་རུང་ངོ་ཞེས་དཔྱས་ནས་འདི་སྐད་ཅེས་གསོལ་ཏོ།། རྒྱལ་པོ་ལ་སྲས་གཅིག་པུ་ཞིག་མངལ་བ་ལ་རབ་ཏུ་སྡུག་ཅིང་གཅེས་པས་རྒྱལ་བུ་རྒྱལ་ཆབ་ལགས་ན། དེ་ལ་མཐོང་ཙམ་ཞིང
270b7 གཟུང་གདགས་བྱ་བའི་སེམས་བསྐྱེད་པ་ནི་མི་རིགས་ཏེ། བདག་ནི་རྒྱལ་པོ་ཆེན་པོའི་སྲས་ལ་གཟུང་གདགས་བྱ་བར་མི་གསོལ་གྱི། རྒྱལ་བུ་འདི་ཡུལ་འདི་ནས་སྤྱུགས་ཏེ། ལོ་བཅུ་གཉིས་ཀྱི་བར
iiif viewer powered by OpenSeadragon
