| e-texts navigator |
| Wylie |
270a1 བྱ། མ་གཏང་སྟེ་འཕྲོག་ཏུ་འོང་ངོ་ཞེས་བསྒོ་བ་དང་། དེའི་ཚེ་བྲམ་ཟེ་དེ་དག་གིས་དེ་མ་ཐག་ཏུ་མགྱོགས་སུ་དོང་ངོ་།། བློན་པོ་རྣམས་ཀྱིས་རྒྱལ་བུས་བལ་གྱི་གླང་པོ་ཆེ་དགྲ
270a2 ཟླ་ལ་བྱིན་ནོ་ཞེས་ཐོས་ནས་ཐམ་ཅད་སྐྲག་སྟེ། ཁྲི་ལས་དབབ་ཏུ་ལྷུང་ནས་མྱ་ངན་གྱིས་ནོན་ཏེ། འདི་སྙབ་དུ་ཡུལ་འདི་ནི། བལ་གླང་འདི་ལ་བལྟས་ན་དགྲ་ཟླ་གཞན་ལ་བྱིན་པར་གྱུར་ཏོ་སྙམ་དུ་བསམས
270a3 ནས། རྒྱལ་པོ་ག་ལ་བ་དེར་སོང་སྟེ། འདི་སྐད་ཅེས་གསོལ་ཏོ།། རྒྱལ་བུས་ནི་ཕྱིའི་དགྲ་ཐུབ་པ་ལ་གླང་རིན་ཆེན་ཕ་རོལ་གྱི་དགྲ་ཟླ་ལ་བྱིན་ནོ་ཞེས་གསོལ་པ་དང་། རྒྱལ་པོ་ཡབ་ཡོད་ཡེད་པོར
270a4 གྱུར་པ་ལས། བློན་པོས་ཡང་འདི་སྐད་ཅེས་གསོལ་ཏོ།། ད་ལྟར་རྒྱལ་པོ་ལ་བལ་གྱི་གླང་པོ་ཆེ་འདི་མངའ་བས། ཆབ་སྲིད་ཆེ་བ་ལགས་ཏེ། བལ་གྱི་གླང་པོ་ཆེ་དེ་ནི་བལ་གླང་དྲུག་ཅུ་སྙེད་ཀྱི་མཐུ་སྟོབས
270a5 དང་ལྡན་པ་ལགས་ན། རྒྱལ་བུས་དགྲ་ལ་སྩལ་ཏེ། དགྲ་ཟླ་འཚལ་བས། ཆབ་སྲིད་ཀྱང་སྟོར་དུ་མཆི་ན། ཇི་ལྟར་མཛད་པའི་རིགས། འདི་རྒྱལ་བུ་རང་ཉམས་སུ་སྦྱིན་པ་བྱིན་པས་བང་མཛོད་ཀྱང
270a6 སྐྱོངས་ཤིང་། ཡུལ་གྱི་སྲིད་དང་། བཙུན་མོ་དང་། སྲས་ཀྱི་བར་དུ་སྦྱིན་པ་བགྱིད་པར་དོགས་སོ་ཞེས་གསོལ་པ་དང་། རྒྱལ་པོས་དེ་སྐད་ཅེས་སྨྲས་པ་ཐོས་ནས། ལྷག་པར་མི་དགའ་བར་གྱུར
270a7 ཏེ། བློན་པོ་གཞན་ཞིག་བོས་ནས། བློན་པོ་དེ་ལ་རྒྱལ་བུས་བལ་གྱི་གླང་པོ་ཆེ་དགྲ་ཟླ་ལ་བྱིན་པ་བདེན་ནམ་ཞེས་དྲིས་པ་དག་བློན་པོ་དེས་ཀྱང་བྱིན་པ་བདེན་ནོ་ཞེས་གསོལ་ཏོ།། རྒྱལ་པོས་དེ་སྐད་སྨྲས་མ་ཐག་ཏུ།
iiif viewer powered by OpenSeadragon
