| e-texts navigator |
| Wylie |
268b1 ཟླའི་རྒྱལ་ཁམས་གཞན་དང་འཐབ་པའི་ཚེ། བལ་གྱི་གླང་པོ་ཆེ་དེས་རྟག་ཏུ་རྒྱལ་བར་གྱུར་པས་ན། ཁྱེད་ལས་སུ་ཞིག་དེར་སོང་སྟེ། སློང་བར་ནུས་ཞེས་བགྲོས་ན། བློན་པོ་ལས་གང་ཡང
268b2 འགྲོ་ནུས་པ་མ་བྱུང་ངོ་།། དེའི་ནང་ན་བྲམ་ཟེ་མི་བརྒྱད་ཅིག་གིས་རྒྱལ་པོ་ལ་འདི་སྐད་ཅེས་གསོལ་ཏོ།། བདག་ཅག་གིས་སློང་ཞིང་མཆི་བར་འཚལ་ན། བདག་ཅག་གི་ཚོགས་དང་བརྒྱགས་སྦྱོར
268b3 ཅིག་ཅེས་གསོལ་པ་དང་། རྒྱལ་པོས་དེའི་ཚོགས་དང་བརྒྱགས་སྦྱར་ནས། བྲམ་ཟེ་ལ་འདི་སྐད་ཅེས་བསྒོའོ།། གལ་ཏེ་ཁྱེད་ཀྱིས་བལ་གླང་དེ་ཁུགས་དེ་འོངས་ན། བྱ་དགའ་ཆེར་སྦྱིན་ནོ་ཞེས
268b4 གཙིགས་བྱས་སོ།། དེ་ནས་བྲམ་ཟེ་བརྒྱད་པོས་འཁར་བ་ཐོགས་ཏེ། ལ་ལུང་བགྲོད་ནས་ཡུལ་ཡ་བ་གང་ན་བ་དེར་སོང་ངོ་།། ཡུལ་དེར་ཕྱིན་ནས། རྒྱལ་པོའི་སྒོར་འཁར་བ་ལ
268b5 སྐོམ་ཚུགས་བཅས་ཏེ། རྐང་པ་ཡ་གཅིག་གིས་འགྲེང་ཞིང་སྡོད་དོ།། དེ་ནས་རྒྱལ་བུའི་སྒོ་སྲུངས་ཕོ་བྲང་ནང་དུ་སོང་ནས། ཕྱི་རོལ་ན་བྲམ་ཟེ་དག་ཅིག་ལྷགས་ཏེ། འཁར་བ་ལ་སྐོམ་ཚུགས
268b6 བཅས་ནས་རྐང་པ་ཡ་གཅིག་གིས་འགྲེང་ཞིང་སྡོད་དེ། བདག་ཅག་ནི་ལམ་རིང་པོ་ནས་ཆེད་དུ་འདིར་སྤོང་དུ་འོངས་སོ་ཞེས་མཆིའོ།། རྒྱལ་བུས་དེ་སྐད་ཅེས་སྨྲས་པ་ཐོས་ནས་རབ་ཏུ་དགའ་སྟེ།
268b7 མོད་ལ་ཕྱི་རོལ་དུ་བྱུང་ནས་བསུས་ཏེ་ཕྱག་བྱས་སོ།། དཔེར་ན་པ་དང་བུ་ཕྲད་པ་ཙམ་དུ་གཅིག་ལ་གཅིག་གིས་སྤྲོ་བའི་ཚིག་གིས་ཁྱེད་གང་ཕྱོགས་ནས་འོངས།། ལམ་དུ་ཉོན་མ་མོངས་སམ།
iiif viewer powered by OpenSeadragon
