| e-texts navigator |
| Wylie |
267b1 དང་། རིན་པོ་ཆེ་སྣ་ཚོགས་ཀྱི་རྒྱན་བརྒྱན་པ་གཅིག་བཙུན་མོར་བླངས་ནས། བུ་མི་སྲིང་གཉིས་ཤིག་ཡོད་པར་གྱུར་ཏོ།། དེ་ནས་རྒྱལ་བུ་དེ་སྦྱིན་པའི་ཕ་རོལ་དུ་ཕྱིན་དྲའི་དོན་སེམས་པ་ལ་ཞུགས་ནས།
267b2 ཡབ་རྒྱལ་པོ་ལ་བདག་ནི་རྩེ་ཞིང་ལྟར་མཆི་ཞེས་གསོལ་པ་དང་། རྒྱལ་པོས་ཀྱང་དེ་བཞིན་དུ་གནང་ངོ་།། དེ་ནས་རྒྱལ་བུ་ཕོ་བྲང་ནས་བྱུང་བ་དང་། བརྒྱ་བྱིན་ལྷའི་དབང་པོས་གྲོང་ཁྱེར་གྱི
267b3 སྒོ་ལམ་སྲང་དག་ན། དབུལ་འཕོངས་པ། ལོང་བ། འོན་པ། ལྐུགས་པའི་སློང་མོ་པ་དག་ཅིག་སྤྲུལ་ནས་སྡོད་དུ་བཅུག་གོ། རྒྱལ་བུས་དེ་དག་མཐོང་བ་དང་། དེ་མ་ཐག་ཏུ་ཕྱིར་ལོག
267b4 ནས་ཕོ་བྲང་དུ་ཞུགས་ཏེ། མྱ་ངན་ཆེན་པོས་ནོན་ནས། མི་དགའ་ཞིང་འདུག་པ་ལ། ཡབ་རྒྱལ་པོས་སྲས་རྒྱལ་བུ་ལ་འདི་སྐད་ཅེས་བསྒོའོ།། རྩེ་ཞིང་ལྟད་མོ་ལྟར་བཏང་ན། ཅིའི་ཕྱིར
267b5 མི་དགའ་ཞིང་མྱ་ངན་བྱེད་པར་གྱུར་ཅེས་དྲིས་པ་དང་། རྒྱལ་བུས། ཡབ་རྒྱལ་པོ་ལ་འདི་སྐད་ཅེས་གསོལ་ཏོ།། བདག་རྩེ་ཞིང་ལྟད་མོ་བལྟར་མཆིས་པ་ལས། སློངས་མོ་པ་ལོང་བ། འོན
267b6 པ། ལྐུགས་པ་མང་པོ་དང་མཇལ་བས་མྱ་ངན་གྱིས་ནོན་པར་གྱུར་ཏེ། ང་ཡབ་རྒྱལ་པོ་ལ་གསོལ་བ་རྣམ་པ་གཅིག་གསོལ་ན། རྒྱལ་པོས་གནང་ངམ། ཡང་རྒྱལ་པོས་ཀྱང་རྒྱལ་བུ་ཁྱོད་ཅི་དང་ཅི་འདོད་པ
267b7 སྨོས་ཤིག་དང་གནང་བར་བྱའོ་ཞེས་བསྒོ་བ་དང་། རྒྱལ་བུས་ཡབ་རྒྱལ་པོ་ལ་འདི་སྐད་ཅེས་གསོལ་ཏོ།། བདག་ནི་ཡབ་རྒྱལ་པོ་ལ་མངའ་བའི་བང་མཛོད་ན་རིན་པོ་ཆེ་མཆིས་པ་རྣམས་གྲོང་ཁྱེར་གྱི་སྒོ་བཞི
iiif viewer powered by OpenSeadragon
