| e-texts navigator |
| Wylie |
267a1 གྲོ་བྱེད་པ་བཞི་ཞིག་བསྐོས་ཏེ། གཅིག་ནི་ནུ་ཞོ་བསྣུན་པའི་ལས་བྱེད། གཅིག་ནི་རྒྱལ་བུ་པང་དུ་ཁྱེར་བར་བསྐོས། གཅིག་ནི་རྒྱལ་བུ་བཀྲུ་བའི་ལས་བྱེད་པར་བསྐོས
267a2 གཅིག་ནི་རྒྱལ་བུ་རྩེར་འགྲོ་བའི་ལས་སུ་བསྐོས་སོ།། དེ་ལྟར་བསྐོས་ནས། རྒྱལ་བུ་ལོ་བཅུ་དྲུག་ལོན་པ་དང་། ཡིག་རྩིས་དང་། འཕོང་རྩལ་དང་། བཟོ་དཔྱད་དང་། རོལ་མོ་ལ་སོག།
267a3 པ་གང་ཡང་མི་ཤེས་པ་མེད་དེ། ཐམས་ཅད་ཀྱང་ལོབས། རྒྱལ་པོ་ཡབ་དང་ཡུམ་ལ་ཡང་ལྷ་བཙུན་འདྲ་བར་རིམ་གྲོ་བྱེད་དོ།། རྒྱལ་པོས་ཀྱང་རྒྱལ་བུའི་ཕོ་བྲང་ལོགས་ཤིག་ཏུ་བརྩིགས།
267a4 སོ།། རྒྱལ་བུ་དེ་ཆུང་ནས་སྦྱིན་པ་ལ་དགའ་ནས། མི་ལ་སོགས་ཏེ་རི་དྭགས་དང་། འདབ་ཆགས་བྱའི་བར་དུ་སེམས་ཅན་ཐམས་ཅད་བདེ་ཞིང་སྐྱིད་པར་དགའ་སྟེ། ཚིག་ཏུ་ཡང་གང་མི་ཤིས།
267a5 པ་གཏི་མུག་ཅན་ནི་སྦྱིན་པ་ལ་མི་དགའ་བས། བདག་གིས་བདག་བསླུས་ཏེ། ཕན་པའི་དོན་མེད་ཀྱི། མཁས་པ་ཤེས་རབ་ཅན་ནི། འཇིག་རྟེན་གནས་ཀྱང་སྦྱིན་པ་ལ་ཡོན་ཏན་ཆེར་མཐོང་།
267a6 སྟེ། སྦྱིན་པ་བྱིན་པས་སྔ་མ་འདས་པ་དང་། མ་བྱོན་པ་དང་། ད་ལྟར་བཞུགས་པའི་སངས་རྒྱས་དང་། རང་སངས་རྒྱས་དང་། འཕགས་པ་དགྲ་བཅོམ་པ་ཐམས་ཅད་ཀྱིས་བསྟོད་ཅིང་བསྔགས
267a7 པར་འགྱུར་རོ་ཞེས་སྨྲས་སོ།། རྒྱལ་བུ་བགས་ཀྱིས་ཆེར་སྐྱེས་ནས། རྒྱལ་པོ་ཞིག་གི་བུ་མོ་མན་ཏེ་ཞེས་བྱ་བ་མངར་བྱད་བཟང་ལ་སྡུག་པ། དཔེ་ཟླ་མེད་པ། གསེར་དང་། དངུལ་དང་། བིཌཱུརྱ
iiif viewer powered by OpenSeadragon
