| e-texts navigator |
| Wylie |
266a1 ཐམས་ཅད་ཀྱིས་ཀྱང་གུས་པས་ཆོས་འདི་ཡོངས་སུ་གཟུང་བར་བྱའོ་ཞེས་གསུངས་པ་དང་དེའི་ཚེ་ཚེ་དང་ལྡན་པ་མོའུ་འགལ་གྱི་བུ་དང་འཁོར་བཞི་པོ
266a2 རྣམས་ཤིན་ཏུ་དགའ་བས། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། འཕགས་པ་ཡོངས་སུ་སྐྱོབ་པའི་སྣོད་ཅེས་བྱ་བའི་མདོ་རྫོགས་སོ།། །
266a3 ཞུ་ཆེན་གྱི་ལོ་ཙ་བ་དགེ་སློང་འགོས་ཆོས་གྲུབ་ཀྱིས་རྒྱའི་དཔེ་ལས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །། འཕགས
266a4 པ་རྒྱལ་བུ་དོན་གྲུབ་ཀྱི་མདོ།། འདི་སྐད་བདག་གིས་ཐོས་པ་དུས་གཅིག་ན་བཅོམ་ལྡན་འདས་མཉན་དུ་ཡོད་པ་ན་རྒྱལ་བུ་འཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ
266a5 ནུ། དགེ་སློང་དང་། དགེ་སློང་མ་དང་། དགེ་བསྙེན་པ་དང་། དགེ་བསྙེན་མ་གྲངས་མེད་པ་དང་ཐབས་ཅིག་ཏུ་བཞུགས་སོ།། དེའི་ཚེ་བཅོམ་ལྡན་འདས་འཛུམ་པ་མཛད་ནས། ཞལ་གྱི
266a6 སྒོ་ནས་འོད་ཟེར་ཁ་དོག་སྣ་ལྔ་དང་ལྡན་པ་བཀྱེ་བ་དང་། ཚེ་དང་ལྡན་པ་ཀུན་དགའ་བོ་སྟན་ལས་ལངས་ཏེ། གོས་ཚིགས་བཅོས་ནས་ཐལ་མོ་སྦྱར་ཏེ། བཅོམ་ལྡན་འདས་ལ་འདི་སྐད
266a7 ཅེས་གསོལ་ཏོ།། བདག་གིས་སངས་རྒྱས་ཀྱི་ཞབས་འབྲིང་ལོ་ཉི་ཤུ་བགྱིས་ཀྱིས་བར་དུ། དེ་འདྲ་བར་བཞད་པ་མ་མཐོང་ན། བཅོམ་ལྡན་འདས་ཀྱིས་སངས་རྒྱས་སྔོན་འདས་པ་འམ།
iiif viewer powered by OpenSeadragon
