| e-texts navigator |
| Wylie |
363a1 མཚན་ཡིན་ཏེ།། སོར་གདུབ་ཅེས་ཀྱང་བརྗོད་མོད་ཀྱི།། ལས་ཀྱི་མཁན་པོས་ཡོངས་བསྒྱུར་བས།། གསེར་ནི་གཟུགས་བཞིན་རབ་ཏུ་གནས།། ཆོས་མཐོང་རྣལ་འབྱོར་ལྡན་པ་ཡི།། སེམས་དང་རྣམ་པར་ཤེས་པའི།
363a2 ཡུལ།། བདུན་པའི་ས་ནི་རྙེད་པ་དང་།། འབྱུང་བ་ལས་ཀྱང་རྣམ་པར་ལྡོག། འཕགས་པ་མཐོང་བའི་ཆོས་ལྡན་གྱི།། སོ་སོ་རང་རིག་མཐོང་བ་དང་།། སྤྱི་དང་བདག་གི་ལེགས་འཕགས་པ།། ཐམས་ཅད་བརྗོད་པར་མི་ནུས་སོ།། ཇི་སྙེད
363a3 ཡུལ་ཡོད་ཅི་ཡང་རུང་།། སེམས་དང་རྣམ་ཤེས་སྤྱོད་ཡུལ་དུ།། སྣ་ཚོགས་སྣང་བ་དེ་དག་ཀྱང་།། རྣམ་ཤེས་ཡིན་ཏེ་ཡུལ་མེད་དོ།། སེམས་ནི་རྣམ་པ་གཉིས་དངོས་སུ།། གཟུང་དང་འཛིན་པར་སྣང་བ་སྟེ།། རྫ་ཕྲུ་སྣམ་བུ་སོགས་པ
363a4 ཡི་ཡུལ་ནི་གང་ཡང་ཡོད་པ་མིན།། ཇི་ལྟར་རི་རབ་བརྟེན་བྱས་ཤིང་།། ཉི་ཟླ་གཟའ་ཡི་ཚོགས་ཀྱི་རྣམས།། བྲལ་བ་མེད་པར་རྟག་འབྲང་ངོ་།། དེ་བཞིན་རྣམ་དག་ཀུན་གཞི་ལ།། རྣམ་དག་འཕགས་པའི་སྤྱོད་ཡུལ་ནི།། རྟག་པར་གསེར
363a5 བཞིན་རབ་ཏུ་འབར།། ཀུན་གཞི་སྙིང་པོར་བསྒྲགས་པ་ནི།། རྟོག་པའི་སེམས་ཀྱི་ཡུལ་མ་ཡིན།། རང་བཞིན་རྣམ་པར་བརྟགས་པ་དང་།། རྟོགས་པར་ནུས་པ་མ་ཡིན་དང་།། ཡོངས་སུ་གྲུབ་པའི་རང་བཞིན
363a6 ཡང་། རྣལ་འབྱོར་ཐུབ་ཅན་རྟག་ཏུ་མཐོང་།། ཡིད་ཀྱི་རྣམ་ཤེས་ཡུལ་ཅན་ནི།། བུས་པ་རྣམས་ལ་འཆིང་བའི་དངོས།། སྡིག་རྒྱས་ཚོགས་བྱུང་བ་སྟེ།། འཕགས་པ་རྣམས་ཀྱིས་ཇི་མེད་གཟིགས།
363a7 སྟོང་ཕྲག་བཅུ་གཉིས་པའི་རྒྱན་ཆུག་པོ་ལས། ཇི་ལྟ་བརྗོད་པའི་མདོ་རྫོགས་སོ།། ། བསྒྱུར་བ་མ་རྫོགས་པར་བཤེས་རྒྱམ་ས
iiif viewer powered by OpenSeadragon
