| e-texts navigator |
| Wylie |
362b1 བྱང་ཆུབ་སེམས་དཔའ་མི་རྣམས་དང་།། ལྷ་ཡི་ཁྲོད་དུ་ཁྱད་པར་དུ།། རྒྱལ་པོའི་ཁྱུ་མཆོག་འགྱུར་བ་སྟེ།། འཁོར་ལོ་ཅན་དུའོ་ཁྱད་པར་དུ།། ལྷ་ཡུལ་གནས་པའི་བདག་པོ་དང་།། དྲི་ཟ་རྣམས་ཀྱི་དེ་བཞིན་ཏེ།། ཐེག་ཆེན་ཡོན་ཏན
362b2 ལྡན་པ་ཡི།། ལུས་ཅན་རྣམས་ཀྱིས་རྟག་ཏུ་འཐོབ།། དེ་ཕྱིར་རྒྱལ་བའི་སྲས་རྣམས་ཀྱིས།། ཐེག་པ་ཆེ་ལ་བརྩོད་པར་གྱིས།། མཐར་གྱིས་བདེ་གཤེགས་གནས་རབ་དང་།། རྒྱལ་པོ་རྟག་ཏུའང་འགྱུར་བར་འོང་།། ཀུན་ནས
362b3 ཉོན་མོངས་ཆོས་རྣམས་དང་།། རྣམ་པར་བྱང་བའི་ཡོད་པ་ཀུན།། རྟག་ཏུ་ལུས་ཅན་ཐམས་ཅད་ཀྱི།། ས་ལ་ཀུན་གཞི་འབྱུང་བ་ཡིན།། སྤྱི་དང་རྒྱུ་རྣམས་ལྷན་ཅིག་གམ།། འོན་ཏམ་སྤྱི་དང་དབང་པོས་ཀྱང་།། གཙོ་བོ་རྐྱེན་དང
362b4 རྒྱུ་རྣམས་ཀྱི།། འཇིག་རྟེན་རབ་ཏུ་བསྒྲུབ་པར་བྱས།། ཁྱད་པར་ཅན་གྱི་རྒྱུ་བརྗོད་པ།། ཅི་ནས་འབྱུང་བར་འགྱུར་བ་སྟེ།། རྒྱུ་མེད་པར་ཡང་མེད་པར་འགྱུར།། བྱ་མེད་པ་ཡང་མེད་པར་འགྱུར།། རྣམ་པར་བྱང་དང་ཐ་བི་དང་།
362b5 ཀུན་གཞི་ཐ་དད་འགྱུར་བ་མིན།། དེ་སྙེད་རྣམ་བྱང་ཐ་དད་ན།། ཀུན་གཞི་རྟག་པ་མ་ཡིན་འགྱུར།། སྔོན་མེད་འཇིགས་མེད་རྟག་པ་སྟེ།། མཐའ་བཞི་རྣམ་པར་སྤངས་པ་ཡིན།། དེ་བཞིན་གཤེགས་པའི་སྙིང་པོ་དག
362b6 སྤྲུལ་པ་ཡེ་ཤེས་སྒྲར་ཡང་གྲགས།། ཕན་ཚུན་སྙིང་པོ་ཐ་མི་དད།། ད་ནི་སོར་གདུབ་བཞིན་དུ་གནས།། ས་རྣམས་སྣ་ཚོགས་ཀུན་གཞི་སྟེ།། བདེ་གཤེགས་སྙིང་པོ་དགེ་བའང་དེ།། སྙིང་པོ་དེ་ལ་ཀུན་གཞི་སྒྲས།། དེ་བཞིན
362b7 གཤེགས་པ་སྟོན་པ་མཛད།། སྙིང་པོ་ཀུན་གཞིར་བསྒྲགས་པར་ཡང་།། བློ་ནད་རྣམས་ཀྱིས་མི་ཤེས་སོ།། གསེར་མགར་མཁས་པས་རྣམ་དག་གིས།། གསེར་ལས་སོར་གདུབ་བྱས་པ་ནི།། སོར་མོ་རྣམས་ལ་རྣམ་པར་མཛེས།། ཕན་ཚུན་ཐ་དད
iiif viewer powered by OpenSeadragon
