| e-texts navigator |
| Wylie |
361b1 མཐུ་ལྡན་གྱིས།། ཐམས་ཅད་མ་འགྱུར་མཉན་པར་གྱིས།། གཞན་དུ་གྱུར་པའི་ཚུལ་དགེ་བ།། དབང་སྒྱུར་ལྷ་ཡུལ་གནས་པ་དང་།། ཐུབ་པ་རྣམས་ལ་བཤད་པར་བྱ།། ཐེག་པ་ཆེན་པོ་འོད་ཅན་གྱི།། ཏིང་འཛིན་ཡུལ་ནི།
361b2 འདི་ཡིན་ཏེ།། དེ་ལ་གནས་ཤིང་རྒྱལ་སྲས་རྣམས།། ཚུལ་དགེ་རབ་ཏུ་སྟོན་པར་བྱེད།། བྱེ་བའི་ཞིང་རྣམས་རབ་ཏུ་མཐོང་།། དེ་དག་མགོན་པོ་དེ་བཞིན་ནོ།། རྡུལ་གྱི་མཐའ་མར་ཐུག་པའི་རྣམས།། དེ་དག་རང་བཞིན་ལས
361b3 སྟོན་ཏོ།། དགེ་འོད་གེ་ཞེས་རབ་ཏུ་གསུངས།། འདི་ནི་རྣལ་འབྱོར་བཟང་ལྡན་ལམ།། ལམ་འདིས་ངེད་རྣམས་ཐམས་ཅད་ཀྱང་།། ཏིང་ངེ་འཛིན་ལ་དབང་སྒྱུར་བ།། ཐོབ་ནས་སངས་རྒྱས་དྲི་མེད་གྱུར།། གང་ཡང་སངས
361b4 རྒྱས་ཏིང་འཛིན་སྐྱེས།། ཐེག་པ་ཆེན་པོ་སྣང་བ་ཡི།། ཏིང་ངེ་འཛིན་གྱི་ཕྲ་སེམས་པ།། དེ་ལ་གནས་ཤིང་རྒྱལ་སྲས་དང་།། རྒྱལ་བ་བསམ་ལས་སྤྱོད་ཡུལ་ཅན།། སྤྲུལ་པ་བྱེ་བ་མང་པོ་ཡིས།། སོ་སོ་རང་རིག་སྤྱོད་ཡུལ
361b5 ཀྱེ།། ཏིང་འཛིན་སངས་རྒྱས་མཐོང་བ་ནི།། ཤིན་ཏུ་ཕྲ་བའི་རྡུལ་སྙེད་དོ།། སོ་སོ་རང་གིས་རིག་ཚུལ་ནི།། གང་ལ་སངས་རྒྱས་གནས་པ་ཡིན།། ཆོས་འདི་མཚན་མ་མེད་པ་སྟེ།། སྒྲ་དང་གཟུགས་ཀྱིས་རྣམ
361b6 པར་སྤངས།། མིང་ནི་མཚན་མས་བསྐྱེད་པ་ཡིན།། མཚན་མརྐྱེན་ལས་བྱུང་བ་སྟེ།། རྣམ་པར་རྟོག་པ་གཉིས་ལས་སྐྱེས།། ཆོས་རྣམས་ཀྱི་ནི་དེ་བཞིན་ཉིད།། དེ་ནི་ཡང་དག་གསུང་མཐོང་བ།། དེ་ཡི་ཡེ་ཤེས
361b7 ཡང་དག་མཚན།། རང་བཞིན་བརྟགས་པ་མིང་ཡིན་ཏེ།། མཚན་མ་གཞན་གྱི་དབང་ལས་བྱུང་།། མིང་དང་མཚན་མ་མེད་པ་ན།། རང་བཞིན་དོན་གྱི་དམ་པ་ནི།། ཐམས་ཅད་ལུས་ལ་ཀུན་ནས་གནས། ཀུན་ག་ནི་དེ་ཕྱིར་འབྱུང་བ་སྟེ། བག་ཆགས།
iiif viewer powered by OpenSeadragon
