| e-texts navigator |
| Wylie |
49a1 ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོའིའཕྱེ་ཆེན་པོ་དང་། མི་དང་། མི་མ་ཡིན་པ་དང་། དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་དག།
49a2 གིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་སྟེང་དུ་སྲིད་པའི་རྩེ་མོ་མན་ཆད་ས་ཕྱོགས་གང་ཡང་མ་གང་བ་མེད་དེ། ཐ་ན་སྐྲའི་རྩེ་མོ་ཆ་བཞག་པ་ཙམ་ཡང་མ་གང་བ་མེད་པར་གྱུར་ཏོ།། །
49a3 དེ་ནས་གནས་བརྟན་ཤཱ་ར་དྭ་ཏིའི་བུ་དང་། མོའུ་འགལ་གྱི་བུ་ཆེན་པོ་དང་། གནས་བརྟན་གསུས་པོ་ཆེ་དང་། ཀ་ཏའི་བུ་ཆེན་པོ་དང་། འོད་སྲུངས་ཆེན་པོ་དང་། ཚེ་དང་ལྡན་པ་བྱམས་མའི་བུ་གང་པོ་དང་།
49a4 གནས་བརྟན་རབ་འབྱོར་དང་། ཉན་ཐོས་ཆེན་པོ་དེ་དག་ཐམས་ཅད་འཇམ་དཔལ་གཞོན་ནུར་གྱུར་པ་ག་ལ་བ་དེར་དོང་སྟེ་ཕྱིན་ནས། འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ།།
49a5 འཇམ་དཔལ་དེ་བཞིན་གཤེགས་པ་ད་ལྟར་གང་ན་བཞུགས།། དེ་བཞིན་གཤེགས་པའི་སྐུའི་ཚུལ་འདི་ཅི་འདྲ། དེ་བཞིན་གཤེགས་པའི་བཞུགས་པ་དེ་ཅི་འདྲ། དེ་སྐད་ཅེས་སྨྲས་པ་དང་།
49a6 འཇམ་དཔལ་གཞོན་ནུར་གྱུར་པས། ཉན་ཐོས་ཆེན་པོ་དེ་དག་ལ་འདི་སྐད་ཅེས་སྨྲས་སོ།། ཚེ་དང་ལྡན་པ་དག་ཁྱེད་ཐམས་ཅད་ཀྱི་ང་ཉན་ཐོས་ཆེན་པོ་ཤེས་རབ་དང་ལྡན་པ། རྫུ་འཕྲུལ
49a7 ཆེན་པོ་དང་ལྡན་པ། མཐུ་ཆེ་བ། དབང་ཆེ་བ། མཁས་པ་ཆེན་པོ། ཏིང་ངེ་འཛིན་ལ་དབང་ཐོབ་པ། ཡུན་རིང་པོ་ནས་ཚངས་པར་སྤྱོད་པ་སྤྱད་པ་ཡིན་ན། ཚེ་དང་ལྡན་པ་དག་སོ་སོ་ནས
iiif viewer powered by OpenSeadragon
