| e-texts navigator |
| Wylie |
46a1 མེ་དང་། ནོར་བུ་དང་། གློག་གི་འོ་ད་རྣམས་ཀྱང་མི་སྡང་། དྲི་བ་རྣམས་དང་། མི་འམ་ཅི་རྣམས་དང་། འདོད་པ་ན་སྤྱོད་པ་དང་། གཟུགས་ན་སྤྱོད་པའི་ལྡན་པས
46a2 དྲང་སྐར་མ་རྣམས་དང་། ལྷའི་གཞལ་མེད་ཁང་གི་འོད་ཀྱང་མི་སྣང་། བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་རྣམས་ཀྱི་འོད་ཀྱང་མི་སྣང་ངོ་།། སངས་རྒྱས་ཀྱི་བྱིན་གྱི་རླབས་དང་།
46a3 ཏིང་ངེ་འཛིན་དེའི་མཐུས་གང་ལྷ་ཁ་ཅིག་ཀྱང་ལྷའི་དྲི་མི་ཚོར་ཏེ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ཐམས་ཅད་ལྷའི་དྲི་ལས་ཤིན་ཏུ་འདས་པའི་དྲིས་དྲི་རབ་ཏུ་ཞིམ་པར་བྱས
46a4 སོ། འཇིག་རྟེན་གྱི་བར་ཐམས་ཅད་ཀྱང་སྣང་བར་གྱུར། ཁོར་ཡུག་གི་རི་དང་། ཁོར་ཡུག་གི་རི་ཆེན་པོ་ཡང་སྣང་བར་བྱས། རི་རབ་དང་། དེ་མ་ཡིན་པའི་རིའི་རྒྱལ་པོ་གཞན་དག་དང་།
46a5 རི་ནག་པོ་དག་ཀྱང་སྣང་བར་གྱུར་ཏེ། ཕྱིས་ནི་སེམས་ཅན་གང་གི་མིག་གི་དབང་པོ་ཡང་སྣང་བར་མ་གྱུར་ཏོ།། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ཐམས་ཅད་ཀྱང་། རིན
46a6 པོ་ཆེའི་དྲ་བས་ཀུན་ནས་བསྐོར་བར་གྱུར་ཏོ།། སངས་རྒྱས་ཀྱི་ཞིང་མི་མཇེད་འདིར་ཐམས་ཅད་དུ་ཡང་དར་གྱི་ལྡ་ལྡིས་བྲེས་ཤིང་། པོག་སྣོད་ནས་སོསྤོས་ཀྱི་ས་བདུགས་ལ། མེ་ཏོག་སྣ་ཚོགས་བཀྲམ
46a7 བར་གྱུར་ཏོ།། སངས་རྒྱས་ཀྱི་མཐུས་འོད་མའི་ཚལ་བྱ་ཀ་ལན་ཏ་ཀའི་གནས་ཀྱང་། བྱ་རྒོད་ཀྱི་ཕུང་པོའི་རི་དང་བཅས་ཏེ། དེ་དག་ཐམས་ཅད་ལག་མཐིལ་བཞིན་དུ་མཉམ་པར་གྱུར་ཅིང་།
iiif viewer powered by OpenSeadragon
