| e-texts navigator |
| Wylie |
45a1 བང་མཚན་མ་མེད་པའི་སྤྱོད་ཡུལ་བ། སྨོན་ལམ་བཅོས་པ་མ་ཡིན་པ།། སྨོན་པ་མེད་པ་ལ་གནས་པ། སྤྱོད་ལམ་བཅོས་པ་མེད་པ། སྒོ་མཐའ་ཡས་པ་བསྒྲུབ་པའི་གཟུང་།
45a2 ཐོབ་པ། མཉམ་པ་ཉིད་དུ་བཟོད་པ་ཐོབ་པ། མཉམ་པ་ཉིད་ཐོབ་པ། ཐོགས་པ་མེད་པའི་གཟུངས་ཐོབ་པ། སེམས་ཅན་ཐམས་ཅད་ཀྱི་དབང་པོ་མཆོག་དང་མཆོག་མ་ཡིན་པ་ཤེས་པ
45a3 དང་བསམ་པ་དང་། སྤྱོད་པའི་ཚུལ་ཤིན་ཏུ་ཤེས་པ་ཤ་སྟག་དང་ཐབས་ཅིག་ཏུ་བཞུགས་ཏེ། དེ་ནས་དེའི་ཚེ་བཅོམ་ལྡན་འདས་དེ་བཞིན་གཤེགས་པའི་བྱིན་གྱི་རླབས་སངས་རྒྱས་ཐམས་ཅད
45a4 ཀྱི་ཡུལ་ལ་འཇུག་པའི་ཏིང་ངེ་འཛིན་གཟུགས་མེད་པ། བསྟན་དུ་མེད་པ། གཟུང་བ་མེད་པ། ཐོགས་པ་མེད་པ། སྣང་བ་མེད་པ། རྣམ་པར་རིག་པ་མེད་པ། རྣམ་པར་རིག་པར་བྱ་བ་མ་ཡིན་པ།
45a5 སེམས་དང་ཡིད་དང་། རྣམ་པར་ཤེས་པ་དང་བྲལ་བ། རྩ་བ་མེད་པ། རྟེན་མེད་པ། དམིགས་སུ་མེད་པ། མི་མཉམ་པ་དང་མཉམ་པ། མཉམ་པ་མེད་པ། ཟླ་མེད་པ། ངའི་བ་མེད་པ།
45a6 ཡོངས་སུ་འཛིན་པ། མི་བྱ་བ་མེད་པ། མ་བྱས་པ། མ་སོང་བ། མ་འོངས་པ། འགྲོ་བ་མེད་པ། མི་གནས་པ། རྒྱུན་ཆད་པ་མེད་པ། གནས་པ་མེད་པ། མཚན་མི་མེད་པ། མཚན་མ
45a7 ཐམས་ཅད་དང་བྲལ་བ། བླང་བ་མེད་པ། དོར་བ་མེད་པ། འདུས་མ་བྱས་པ། མངོན་པར་འདུ་མི་བྱེད་པ། འདུ་བ་མེད་པ། བྲལ་བ་མེད་པ། སེམས་དང་བྲལ་བ། ཀུན་ཏུ་འབྱུང་བ་མེད་པ།
iiif viewer powered by OpenSeadragon
