| e-texts navigator |
| Wylie |
44b1 དགའ་བོས་གསོལ་བ། མི་དེ་ལ་ཆོས་ཀྱི་ཡི་གེ་དེ་མནོས་ཏེ། གཟུངས་སུ་གཟུང་བ་ཡོན་ཕུལ་ན། མི་དེས་དཔལ་ཡོན་ཇི་ཙམ་ཐོབ། སངས་རྒྱས་ཀྱི་ས་གསུངས་པ། ཡང་མི་ལ་ལ་ཞིག
44b2 གིས་མཁར་གང་བའི་གསེར་དངུལ་ཁྱེར་སྦྱར་བར་བྱས་པས་མི་དེས་ཆོས་ཀྱི་བཤད་ཟིན་ནས། དེའི་ཚེ་དགའ་བོ་དང་། བྱང་ཆུབ་སེམས་དཔའ་དང་། ཕལ་བདེ་བཞིན་ཀུན་ཤིན་ཏུ
44b3 དགའ་སྟེ། སེམས་ཀྱིས་ཡང་དག་པའི་མིར་གྱུར་པ་ཐོབ་ནས། སངས་རྒྱས་ཀྱི་ཞབས་ལ་སྤྱི་བོས་ཕྱག་འཚལ་ཏེ། དགའ་ནས་གུས་པར་བྱེད་དོ།། རྡོ་རྗེའི་ཏིང་ངེ་འཛིན་ཆོས་ཀྱི་ཡི
44b4 གེ་རྫོགས་སོ།། རྒྱ་གར་སྐད་དུ། ཨཱརྱ་ཏ་ཐཱ་གུ་ཏ་ཛྙཱ་ན་མུ་དྲཱ་རྠ་མ་ས་མཱ་དྷི་མ་ཧཱ་ཡཱ་ན་སཱུ་ཏྲ། བོད་སྐད་དུ། འཕགས་པ་དེ་བཞིན་གཤེག
44b5 པའི་ཡེ་ཤེས་ཀྱི་ཕྱག་རྒྱའི་ཏིང་ངེ་འཛིན་ཅེས་བྱ་བ་ཐེག་པ་ཆེན་པོའི་མདོ།། ། བམ་པོ་དང་པོ།། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ
44b6 ལོ། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་ན། འོད་མའི་ཚལ་བྱ་ཀ་ལན་ཏ་ཀའི་གན་སཱ་ན། དགེ་སློང་སྟོང་ཉིས་བརྒྱ་ལྔ་བཅུའི་དགེ་སྦྱོང་གི་དགེ
44b7 འདུན་ཆེན་པོ་དང་། བྱང་ཆུབ་སེམས་དཔའ་བྱེ་བ་ཕྲག་སུམ་ཅུ་ཐམས་ཅད་ཀྱང་གཟུངས་ཐོབ་པ། སྤོབས་པ་ཐོགས་པ་མེད་པ། ཏིང་ངེ་འཛིན་ཐོབ་པ། སྟོང་པ་ཉིད་ཀྱི་ཏིང་ངེ་འཛིན་ལགས།
iiif viewer powered by OpenSeadragon
