| e-texts navigator |
| Wylie |
31a1 ཞུགས་མོད་ཀྱི། རང་གི་སེམས་སྤྱད་ནུས། བྱ་བ་མེད་པར་རང་སངས་རྒྱས་པར་འཕྲུལ་གྱི་འབྲས་བུ་ཐོབ་སྟེ། ཐེག་པ་གཉིས་ལ་མི་གནས་ནས་བྱང་ཆུབ་ཀྱི་ལམ་དུ
31a2 ཆུད་དེ། ཕྱིས་གང་རྒྱས་པའི་སངས་རྒྱས་ཀྱིས་བྱང་ཆུབ་གྲུབ་བོ།། མཐུ་ཆེན་བྱང་ཆུབ་སེམས་དཔས་གསོལ་པ། བསམ་གྱིས་མི་ཁྱབ་བོ།། དེ་ལྟ་བུའི་མི་ནི་ཁྱིམ་ནས་བྱུང་བ་ཡང་མ་ལགས།
31a3 མ་བྱུང་བ་ཡང་མ་ལགས་སོ།། ཇི་ལྟ་ཞེས་བགྱིས་ན། མྱ་ངན་ལས་འདས་པའི་ཁྱིམ་དུ་ཞུགས་པའོ།། ཡང་དག་པར་གཤེགས་པའི་ཆོས་གོས་གྱོན་པའོ།། བྱང་ཆུབ་སེམས་དཔའི་བསྟན་པ
31a4 འདུག་པ་སྟེ། དེ་ལྟ་བུའི་མི་ལ་ནི་དགེ་སྦྱོང་མན་ཆད་ཀྱིས་ཀྱང་གུས་པར་ཡོན་དབུལ་བའི་རིགས་སོ།། སངས་རྒྱས་ཀྱིས་གསུངས་པ། དེ་ཡིན་ནོ།། ཇི་ལྟ་ཞེ་ན། མྱ་ངན་ལས་འདས་པའི
31a5 ཁྱིམ་དུ་ཞུགས་པས་ནི། སེམས་ཁམས་གསུམ་ལས་འདས་སོ།། ཡང་དག་པར་གཤེགས་པའི་གོས་གྱོན་པས་ནི་ཆོས་ཀྱིས་སྟོང་པའི་གནས་སུ་ཆུད་ངོ་།། བྱང་ཆུབ་ཀྱི་སྟན་ལ་འདུག་པས
31a6 དྲང་པོའི་ཚོར་བའི་སར་འཛེགས་སོ།། དེ་ལྟ་བུའི་མིའི་སེམས་ནི་ང་གཉིས་ལས་འདས་ན། དགེ་སློང་གིས་གུས་པར་ཡོན་གསོལ་བ་ལྟ་སྨོས་ཀྱང་ཅི་དགོས། མཐུ་ཆེན་བྱང་ཆུབ་སེམས་དཔས
31a7 གསོལ་པ་། དེའི་ས་གཅིག་དང་སྟོང་པའི་མཚོ་ཐེག་པ་གཉིས་ཀྱི་མིས་མཐོང་ལགས་སམ། སངས་རྒྱས་ཀྱི་ས་གསུངས་པ། དེ་ཡིན་ནོ།། ཐེག་པ་གཉིས་ཀྱི་དེ་ནི། ཏིང་ངེ་འཛིན་གྱི་ལུས
iiif viewer powered by OpenSeadragon
