| e-texts navigator |
| Wylie |
29b1 དེའི་ཚེ་ཤཱ་རིའི་བུས། སངས་རྒྱས་ལ་གསོལ་པ། བཙུན་པ་བྱང་ཆུབ་ལམ་སྤྱད་དེ། མིང་དང་གཟུགས་མ་མཆིས་ཚུལ་ཁྲིམས་གསུམ་གྱི་ཆོ་ག་ཡང་མ་མཆིས།
29b2 ཇི་ལྟ་བུར་ན་བསྡུས་བླངས་ཏེ་སེམས་ཅན་ལ་བཤད་པ། སངས་རྒྱས་བྱམས་ཤིང་ཐུགས་བརྩེ་བས་བདག་ལ་བཀྲོལ་བ་ཤད་པར་སྨོན་ཏོ།། སངས་རྒྱས་ཀྱིས་གསུངས་པ། པོ་དགེ་བ་རྟག་པར
29b3 ཉོན་ཅིག་དང་། ཁྱོད་ལ་བཀྲོལ་བཤད་དོ།། ཕོ་དགེ་བ་མི་དགེ་བའི་ཆོས་ནི་སེམས་གྱུར་ཏེ་སྐྱེས་སོ།། ཁམས་ཐམས་ཅད་ནི་ཡིད་དང་ཚིག་གིས་བྱེ་བྲག་ཕྱེའོ།། གནས་གཅིག་ཏུ་བགགས་རྐྱེན་མང
29b4 པོ་ཆོད་ཅིང་མེད་དེ། ཇི་ལྟ་ཞེས་བྱས་ན། ཕོ་དགེ་བ་ཕྱི་མོ་གཅིག་མ་གཡོས་ན་སྤྱད་པ་གསུམ་སྤྱད་དུ་མེད་དོ།། མི་གཡོ་བའི་གཞུང་ལ་འདུག་ན་ལམ་དྲུག་གི་སྒོ་བཀག་གོ།། རྐྱེན་བཞིན་མ་ལགས་ན
29b5 ཚུལ་ཁྲིམས་གསུམ་པོ་ཆོ་ག་ཚང་ངོ་།། ཤཱ་རིའི་བུས་གསོལ་པ། ཇི་ལྟ་བུར་ན་རྐྱེན་བཞིན་དུ་མ་གྲལ་ན། ཚུལ་ཁྲིམས་གསུམ་ཆོ་ག་ཚང་ཞེས་བགྱི། སངས་རྒྱས་ཀྱིས་གསུངས་པ། རྐྱེན་བཞི
29b6 ཞེས་བྱ་བ་གཅིག་ནི་བཏམས་ཏེ་སྩལ་པ། བྱམས་པའི་སྟོབས་ཀྱི་རྐྱེན་གྱིས་ཀ་ཚུལ་ཁྲིམས་ཀྱི་ཆོ་གའི་ལུགས་བསྡུས་སོ།། གཉིས་ནི་ཕྱི་མོ་ནས་བཟོད་པའི་གཙང་མ་རྩ་བརྣོ་བའི་བཟོད་པའི་སྟོབས
29b7 ཀྱིས་སྦྱངས་སོ་ཅོག་གི་རྐྱེན་གཡོས་པས་དགེ་བའི་ཆོས་ཀྱི་ཚུལ་དེ་ལྟ་བུ་སྤྱོད་པས་ན་གདོད་རིག་པར་ནུས་སོ།། མཐུ་ཆེན་བྱང་ཆུབ་སེམས་དཔས་གསོལ་པ། ཡང་དག་པའི་དབྱིངས་ཀྱི་ཚེར
iiif viewer powered by OpenSeadragon
