| e-texts navigator |
| Wylie |
10b1 ཅད་ཀྱང་རང་བཞིན་གྱིས་སྟོང་པར་ཤེས་པར་བྱའོ།། ངོ་བོ་ཉིད་ཀྱིས་དབེན་པར་ཤེས་པར་བྱའོ།། རིགས་ཀྱི་བུ་གང་དག་གིས་ཤེས་རབ་ཀྱི་ཕ་རོལ་ཏུ་ཕྱིན་པའི་མདོ་འདི་འཛིན་པར
10b2 བྱེད་ན། དེ་ལས་ཀྱི་སྒྲིབ་པ་བྱང་བར་འགྱུར་རོ།། དེ་བསོད་ནམས་ཀྱི་ཚོགས་སྐྱེ་བར་འགྱུར་རོ།། ཤེས་རབ་ཀྱི་ཚོགས་ཚད་མེད་པར་འགྱུར་རོ།། དྲན་པ་དང་ལྡན་པ་དང་། ཚུལ་ཁྲིམ
10b3 དང་ལྡན་པར་འགྱུར་རོ།། རིགས་ཀྱི་བུ་གཞན་ཡང་བྱང་ཆུབ་སེམས་དཔའ་རྣམས་ཀྱིས་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསླབ་པར་བྱའོ།། དེ་ནས་བཅོམ་ལྡན་འདས་ཀྱིས་དེའི་ཚེ།།
10b4 ཚིགས་སུ་བཅད་པ་འདི་གསུངས་སོ།། མང་ཐོས་དམ་པའི་ཆོས་ལ་བརྩོན།། སེམས་ཅན་ཀུན་ལ་བྱམས་པར་ལྡན།། བརྩོན་གྲུས་གོ་ཆ་ཕུན་སུམ་ཚོགས།། བདག་དང་གཞན་གྱི
10b5 དོན་ལ་མེས།། གཏན་དུ་ཏིང་འཛིན་སྒོམ་ལ་བརྩོན།། བདག་དང་སེམས་ཅན་འདུ་ཤེས་མེད།། ཡང་དག་ཐེག་ཆེན་ལམ་དུ་ཞུགས།། སྔོན་གྱི་རྒྱལ་སྲས་དེ་ལྟར་སྤྱོད།། བཅོམ་ལྡན
10b6 འདས་ཀྱིས་དེ་སྐད་ཅེས་བཀའ་སྩལ་པ་དང་། བྱང་ཆུབ་སེམས་དཔའ་ཉི་མ་རབ་ཏུ་སྣང་བ་དང་། ལྷ་དང་མིར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས
10b7 གསུངས་པ་ལ་མངོན་པར་བསྟོད་དོ།། འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་ཉི་མའི་མདོ་ཐེག་པ་ཆེན་པོའི་མདོ་རྫོགས་སོ།། བོད་སྐད
iiif viewer powered by OpenSeadragon
