| e-texts navigator |
| Wylie |
100b1 ཕྱེ་ནས་འཐབ་ཅིང་རྩོད་པར་བགྱིད་པ་དང་། ཁ་ཅིག་ནི་ཁང་ཁྱིམ་དགྲ་བརྩིགས་ནས་འབྱོར་པ་སྣ་ཚོགས་དང་ལྡན་པ། ཁ་ཅིག་ནི་ཁང་ཁྱིམ་མ་མཆིས་པས་གཞན་དག་ལ་རྟེན་པ་དང་། ཁ་ཅིག་ནི་བྱ།
100b2 འདབ་ཆགས་བཞིན་དུ་ཤིང་དང་ཐུང་ལ་གནས་པ་དང་། ཁ་ཅིག་ནི་གཅན་གཟན་གྱི་རྣམ་པ་དང་མཚུངས་ཤིང་སྤུའི་གོས་དང་ལྡན་པ་ཟས་སུ་རྩ་འཚལ་ཞིང་ཁྲག་འཐུང་བ་དང་། ཁ་ཅིག་ནི་ཡེ
100b3 གེ་མ་འཚལ་བ་དང་། ཁ་ཅིག་ནི་ཅི་ཡང་མ་བགྱིས་པར་བདེན་པར་རྣམ་པར་སྨིན་པ་མྱོང་བར་འགྱུར་ལ། ཁ་ཅིག་ནི་སླ་བར་བགྱིད་པའི་གནས་ཀྱང་མི་རྙེད་པ་དང་། ཁ་ཅིག་ནི་དབང་པོ་གསལ་བས
100b4 ཤེས་པ་དང་ལྡན་ལ། ཁ་ཅིག་ནི་དབང་པོ་མི་གསལ་བས་ཤེས་པ་དང་མི་ལྡན་པ་དང་། ཁ་ཅིག་ནི་བཙལ་ན་གདོད་ཐོབ་པར་འགྱུར་ལ། ཁ་ཅིག་ནི་མ་བཙལ་བར་ཡང་རྙེད་པར་འགྱུར་བ་དང་།
100b5 ཁ་ཅིག་ནི་ཕྱུག་ཀྱང་སེར་སྣ་ཆེ་ལ། ཁ་ཅིག་ནི་དབུལ་པོར་གྱུར་ཀྱང་གཏོང་བ་ལ་དགའ་བ་དང་། ཁ་ཅིག་ནི་ཚིག་སྨྲས་པ་རྣམས་མཉེན་ཞིང་དེས་ལ། ཁ་ཅིག་ནི་ཚིག་སྨྲས་པ་རྣམས་གཏུམ་ཞིང
100b6 བརླང་བ་དང་། ཁ་ཅིག་ནི་མང་པོ་ཀུན་གྱིས་བཀུར་ཞིང་སྙིང་དུ་སྡུག་པར་འགྱུར་ལ། ཁ་ཅིག་ནི་མང་པོ་ཀུན་གྱིས་ཐེག་རིང་དུ་སྤོང་བར་བགྱིད་པ་དང་། ཁ་ཅིག་ནི་བྱམས་པའི་སེམས་ཀྱིས་སྲོག
100b7 ཆགས་གསོ་བར་བགྱིད་ལག་ཁ་ཅིག་ནི་སྲོག་ཆགས་དཔག་ཏུ་མ་མཆིས་པ་དག་གསོད་པར་བགྱིད་པ་དང་། ཁ་ཅིག་ནི་ཡངས་པ་མང་པོ་ཀུན་གྱིས་ཡིད་དུ་མཆིས་པར་འགྱུར་ལ། ཁ་ཅིག་ནི་གཞན
iiif viewer powered by OpenSeadragon
