| e-texts navigator |
| Wylie |
100a1 ཁ་ཅིག་ནི་མའི་མངལ་ཉིད་དུ་འགུམ་པ་དང་། ཁ་ཅིག་ནི་བྱང་བཞིན་སྡུག་ཅིང་མཛེས་པ་དང་། ཁ་ཅིག་ནི་དབུལ་ཞིང་མ་རབས་སུ་གྱུར་ལ་བྱང་བཞིན་མི་སྡུག་པ་དང་། ཁ
100a2 ཅིག་ནི་ཕྱུག་ཅིང་ཡ་རབས་སུ་སྐྱེ་བ་དང་། ཁ་ཅིག་ནི་དཔའ་ཞིང་དབར་གྱུར་ལ་ཁ་ཅིག་ནི་ཞན་ཅིང་རིགས་མཐོན་པོར་སྐྱེས་པ་དང་། ཁ་ཅིག་སྡུག་བསྔལ་ཞིང་ཚེ་རིང་བ། ཁ་ཅིག་ནི
100a3 བདེ་ཞིང་ཚེ་ཐུང་བ་དང་། ཁ་ཅིག་ནི་དགེ་བ་སྤྱད་ཀྱང་། ནོངས་སྐྱོན་དང་བཅས་པར་འགྱུར་ལ། ཁ་ཅིག་ནི་སྡིག་པ་བགྱིས་ཀྱང་བསོད་ནམས་ཀྱི་ཕན་ཡོན་ཐོབ་པ་དང་། ཁ་ཅིག་ནི་འཚོ་ཞིང་དཀར
100a4 ཡང་མིག་ཡ་ཡོར་འགྱུར་ཅིང་མི་གསལ་ལ། ཁེ་ཅིག་ནི་སྔོ་ཞིང་གནོག་ཀྱང་མངའ་བྱད་དང་ལྡན་པ་དང་། ཁ་ཅིག་ནི་ཐུང་ཡང་སེམས་རྩལ་དང་ལྡན་པ་དང་། ཁ་ཅིག་ནི་རིང་ཞིང་བོང་ཆེ་ཡང་གཞན་དག།
100a5 གི་གཡོག་བགྱིད་པ་དང་། ཁ་ཅིག་ནི་བུ་ཚ་མང་ལ། ཁ་ཅིག་ནི་གཅིག་པུ་གནས་པ་དང་། ཁ་ཅིག་ནི་སླད་རོལ་དུ་རྒྱུ་ཞིང་བཀྲེས་པ་དང་གྲང་བ་དག་གིས་ཉེན་པར་འགྱུར། ཁ་ཅིག་ནི་ཁྱིམ་ན་གནས
100a6 ཀྱང་གོས་པས་དག་ལ་དགའ་འབྱོར་པ་དང་། ཁ་ཅིག་ནི་གཞོན་པའི་ཚེ་དབུལ་ཞིང་འཕོངས་ལ་རྒས་པའི་ཚེ་གདོད་ཕྱུག་པོར་འགྱུར་བ་དང་། ཁ་ཅིག་ནི་ལུས་མ་མཆིས་བཞིན་དུ་ཡང་། ནོངས
100a7 པ་མ་མཆིས་པར་ནན་གྱིས་གོ་རར་སྩལ་བ་དང་། ཁ་ཅིག་ནི་ཕ་མ་ཡང་སྙིང་རྗེ་དང་ལྡན་པ་བུ་ཡང་སྲི་ཞུ་ཆེ་ཞིང་མདོ་སྡེ་དང་གཙུག་ལག་གི་དོན་གླེང་བར་བགྱིད་ལ་ཁ་ཅིག་ནི་ཕོ་ནུ་སོ་སོར
iiif viewer powered by OpenSeadragon
