| e-texts navigator |
| Wylie |
44b1 ཤིག་བྱིས་པ་ལྟ་བུར་འགྲོ་བ་ལྔར་ནི་འཁྱམས་པ་སྟེ།། འདིར་ནི་རི་དང་དགོན་པ་ཕུག་ཏུ་གནས་པར་བྱ།། དེར་གནས་ནས་ནི་བདག་མི་བསྙེམས་ཤིང་གཞན་མི་སྤོང་།། སྔོན་ཆད་སངས་རྒྱས་བྱེ་བ
44b2 ཕྲག་བརྒྱ་མཉེས་མ་བྱས།། རྗེས་སུ་དྲན་ནས་རྟག་པར་རྒྱུན་དུ་བདག་ལ་སྤྱོད།། ལུས་དང་སྲོག་ལ་སྲེད་པ་མ་ཆགས་སྤང་བར་བྱ།། གུས་པ་དྲག་པོ་བསྐྱེད་ནས་ཆོས་ལ་བརྩོན་པར་གྱིས།། ང་ཡིས
44b3 མདོ་འདིར་བསྒྲུབ་པ་བཤད་པ་འདི་གནས་ནས།། དེ་དག་རྣམས་ཀྱིས་ཕྱི་ནས་བྱང་ཆུབ་རྙེད་མི་དགའ།། གང་དག་རྒྱལ་བའི་ཐེག་པ་འདི་ལ་དགའ་བརྩོན་པ།། ཐོས་ནས་ཕྱིར་ཡིད་ནི་འཇུག་པར་བྱ་བའི
44b4 རིགས།། དེ་ལྟ་བས་ན་བསྟན་ལ་མོས་པ་བསྐྱེད་པར་བྱ།། རྣམ་པར་རྒྱུ་བའི་ཚེ་ན་ཕྱིས་འགྱོད་གྱུར་ཏ་རེ།། ཡུལ་འཁོར་སྐྱོང་བྱང་ཆུབ་སེམས་དཔའ་གང་དག་ཕ་རོལ་ཏུ་ཕྱིན་པ་ལྔ་ལ་སྤྱོད་པ།། ཡང་གང
44b5 ཞིག་བདག་འདི་བསླབ་པོ།། བདག་སྡོམ་པ་འདི་ལ་གནས་པར་བྱའོ་སྙམ་དུ་ཆོས་ཀྱི་རྣམ་གྲངས་འདི་ལ་ནན་ཏན་གྱིས་བསྒྲུབ་ན། བསོད་ནམས་ཀྱི་ཕུང་པོ་དེ་བསོད་ནམས་ཀྱི་ཕུང་པོ་འདིའི་གནན།
44b6 བརྒྱའི་ཆར་ཡང་ཉེར་བར་མི་འགྲོ་སྟེ། སྟོང་གི་ཆ་དང་། བརྒྱ་སྟོང་གི་ཆ་དང་། བྱེ་བ་བརྒྱ་སྟོང་གི་ཆ་དང་། གྲངས་དང་། ཆ་དང་། བགྲང་བ་དང་། དཔེ་དང་། རྒྱུར་ཡང་ཉེ་བར་མི་འགྲོའོ།། བཅོམ
44b7 ལྡན་འདས་ཀྱིས་ཆོས་ཀྱི་རྣམ་གྲངས་འདི་བཤད་པ་ན། སྔོན་སེམས་མ་བསྐྱེད་པའི་ལྷ་དང་། མི་དང་། ལྷ་མ་ཡིན་དུ་བཅས་པའི་སྐྱེ་དགུ་ཁྲག་ཁྲིག་ཕྲག་སུམ་ཅུ་བླ་ན་མེད་པ་ཡང་དག་པར་རྫོགས་པའི་བྱང་།
iiif viewer powered by OpenSeadragon
