| e-texts navigator |
| Wylie |
43b1 བའི་བྱང་ཆུབ་མངོན་པར་རྫོགས་པར་སངས་རྒྱས་པར་འདོད་པས། ལྷག་པའི་བསམ་པས་སྒྲུབ་པ་དང་། སྡུག་པ་དང་མི་སྡུག་པ་ཡོངས་སུ་སྤངས་པ་དང་། བག་ཡོད་པའི་སྤྱོད་པས་རྒྱལ་བུ་གཞོན་ནུ་བསོད
43b2 ནམས་ཀྱི་འོད་ཟེར་དེའི་རྗེས་སུ་བསླབ་པར་བྱའོ།། ངས་བྱ་དཀའ་བ་མངོན་པར་འདུ་བྱ་བ་དེ་ལྟ་བུས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་བོ།། དེ་ལྟ་བས་ན་དེ་དག་མི་བརྩོན་པ་དང་། རྙེད་པ་དང་།
43b3 བཀུར་སྟི་དང་། ཚིགས་སུ་བཅད་པ་ལྷུར་ཡིན་པ་དང་། ཤེས་ཀྱི་ཁེལ་ཆགས་པ་དང་། ང་རྒྱལ་གྱིས་བཅོམ་པ་དང་། འདོད་པའི་རྒྱུས་ཉོན་མོངས་པ་དག་ཤ་ཟང་བ་དང་། འདོད་པའི་རྒྱུས་བསྟན་པ་ལས་རིང
43b4 དུ་གྱུར་པ་དང་། དགེ་སྦྱོང་སུན་པར་བྱེད་པ་དང་། བྱང་ཆུབ་སེམས་དཔའ་ངམུ་རྒོད་དང་། ལུས་དང་། ངག་དང་། སེམས་མི་དྲང་བ་དང་། ལྷས་ལྟ་བ་དང་། ཁས་འཆེ་བ་ནོར་བ་དང་། རང་གིས་དམ་བཅས་པ་ལ
43b5 ཉམས་པ་དང་། གོས་དང་། ཟས་དང་། མལ་ཆ་དང་། ན་བའི་ཆེད་ཀྱི་སྨན་དང་། ཡོ་བྱད་ཀྱི་མཚན་མ་ལ་ཆགས་པ་དང་། ངོ་ཚ་མི་ཤེས་པ་དང་། ཁྲེལ་མེད་པ་དང་། ཚོགས་ཉམས་པ་དང་། དམ་པའི་ཆོས
43b6 མ་ཡིན་པ་ལ་འཇུག་པ་དང་། སྤྱོད་ཡུལ་དང་བྲལ་བ་དང་། སངས་རྒྱས་ཀྱི་སྤྱོད་ཡུལ་ལས་རིང་དུ་གྱུར་པ་དང་། སངས་རྒྱས་ཀྱི་ཐེག་པ་དང་བྲལ་བ་དང་། རྫོགས་པའི་བྱང་ཆུབ་ཀྱི་སེམས་དང་བྲལ་བར
43b7 གྱུར་ཏོ།། ཡུལ་འཁོར་སྐྱོང་དེ་ལྟ་བས་ན། རྣམ་པ་འདི་ལྟ་བུའི་ཆོས་འདི་ཐོས་ནས་སྡིག་པའི་བཤེས་གཉེན་རིགས་པ་མེད་པ། རྙེད་པ་དོན་དུ་གཉེར་བ་དང་། མི་བསྟེན་པ་ཤེས་པར་བྱའོ།། དེ་ནས་བཅོམ
iiif viewer powered by OpenSeadragon
