| e-texts navigator |
| Wylie |
43a1 སྙམ་དུ་སེམས་ཏེ། བསོད་ནམས་ཀྱི་འོད་ཟེར་གྱི་རྗེས་སུ་སློབ་ཅིང་། ཡུལ་གྱི་མི་ཐམས་ཅད་རབ་ཏུ་བྱུང་གིས། བདག་ཅག་གིས་དེ་ལ་རིམ་གྲོ་དང་། བསྙེན་བཀུར་བྱས་ན། དཀོན
43a2 མཆོག་གསུམ་ལ་རིམ་གྲོ་བྱས་པར་འགྱུར་རོ་སྙམ་མོ།། དེ་བཞིན་གཤེགས་པ་དེ་ཡོངས་སུ་མྱ་ངན་ལས་འདས་ནས་ཀྱང་། དམ་པའི་ཆོས་ལོ་བྱེ་བ་ཕྲག་དྲུག་ཅུ་རྩ་བཞིའི་བར་དུ་གནས་ཏེ། དགེ་སློང་བསོད་ནམས
43a3 ཀྱི་འོད་ཟེར་གྱིས་ཐམས་ཅད་ཡོངས་སུ་བཟུང་ངོ་།། ཚུལ་འདི་ལྟ་བུས་སངས་རྒྱས་བྱེ་བ་ཁྲག་ཁྲིག་སྟོང་ཕྲག་དགུ་བཅུ་རྩ་བཞི་ལ་རྣམ་པ་དེ་ལྟ་བུའི་མཆོད་པ་བྱས་སོ།། ཡུལ་འཁོར་སྐྱོང་དེའི་ཚེ་དེའི་དུས་ན
43a4 རྒྱལ་པོ་འོད་ཟེར་ལྡན་ཞེས་བྱ་བར་གྱུར་པ་དེ་གཞན་ཞིག་ཡིན་པ་སྙམ་དུ་ཁྱོད་དེ་ལྟར་དོགས་ཤིང་ཐེ་ཙོམ་ཟ་འམ། ཡིད་གཉིས་སུ་གྱུར་ན། ཁྱོད་ཀྱིས་དེ་ལྟར་མི་བལྟའོ།། དེ་ཅིའི་ཕྱིར་ཞེ་ན། དེ་བཞིན་གཤེགས
43a5 པ་འོད་དཔག་མེད་དེའི་ཚེ་དེའི་དུས་ན། རྒྱལ་པོ་འོད་ཟེར་ལྡན་ཞེས་བྱ་བར་གྱུར་ཏོ།། ཡུལ་འཁོར་སྐྱོང་དེའི་ཚེ་དེའི་དུས་ན། རྒྱལ་བུ་གཞོན་ནུ་བསོད་ནམས་ཀྱི་འོད་ཟེར་ཞེས་བྱ་བར་གྱུར་པ་དེ་གཞན་ཞིག་ཡིན་པ
43a6 སྙམ་དུ་ཁྱོད་དེ་ལྟར་དོགས་ཤིང་ཐེ་ཙོམ་ཟ་འམ། ཡིད་གཉིས་སུ་གྱུར་ན། ཁྱོད་ཀྱིས་དེ་ལྟར་མི་བལྟའོ།། དེ་ཅིའི་ཕྱིར་ཞེ་ན། ང་ཉིད་དེའི་ཚེ་དེའི་དུས་ན། རྒྱལ་བུ་གཞོན་ནུ་བསོད་ནམས་ཀྱི་འོད་ཟེར་ཅེས་བྱ་བ
43a7 གྱུར་ཏོ།། གྲོང་ཁྱེར་གྱི་ལྷ་གང་ཡིན་པ་དེ་ནི། དེ་བཞིན་གཤེགས་པ་མི་འཁྲུགས་པར་གྱུར་ཏོ།། ཡུལ་འཁོར་སྐྱོང་དེ་ལྟ་བས་ན། བྱང་ཆུབ་སེམས་དཔའ་སེམས་དཔའ་ཆེན་པོ་བླ་ན་མེད་པ་ཡང་དག་པར་རྫོགས
iiif viewer powered by OpenSeadragon
