| e-texts navigator |
| Wylie |
42b1 བྲག་བརྒྱད་ཅུ་རྩ་བཞིའི་བར་དུ་བྱས་སོ།། མཆོད་རྟེན་དེ་དག་ལ་ཡང་རིན་པོ་ཆེ་སྣ་བདུན་གྱི་རིན་པོ་ཆེའི་དྲ་བས་གཡོགས་སོ།། མུ་ཏིག་གི་དྲ་བའི་བླ་རེ་དག་ཟེས་སོ།། མཆོད་རྟེན་རེ་རེ་ལ་ཡང་རིན་པོ་སྣ་བདུན་གྱི
42b2 གདུགས་ལྔ་བརྒྱ་ལྔ་བརྒྱ་ཕུལ་ལོ།། མཆོད་རྟེན་ཐམས་ཅད་ལ་སིལ་སྙན་བརྒྱ་སྟོང་ཕུལ་ལོ།། འཛམ་བུ་གླིང་ཁོར་ཡུག་ཏུ་མེ་ཏོག་གི་ཤིང་ལྗོན་པ་བསྐུར་ཏོ།། མཆོད་རྟེན་རེ་རེ་ལ་ཡང་མར་མེའི་རྫ་བོ་བརྒྱ་སྟོང
42b3 ནས་མར་མེ་བུས་སོ།། མར་མེའི་རྫ་བོ་རེ་རེ་ནས་ཀྱང་སྤོས་ཀྱི་འབྲུ་མར་དྲུག་ཅུ་རྩ་བཞི་པ་སྟོང་གི་མར་མེ་བུས་སོ།། སྤོས་དང་། འཕྲེང་བ་དང་བྱུག་པ་ཐམས་ཅད་ཀྱིས་ཀྱང་མཆོད་པར་བྱས་སོ།། ཚུལ་དེ
42b4 ལྟ་བུས་ལོ་བྱེ་བའི་བར་དུ་མཆོད་པ་བྱས་ཏེ། བྱིས་རབ་ཏུ་བྱུང་ངོ་།། དེ་རབ་ཏུ་བྱུང་ནས། ཆོས་གོས་གསུམ་པར་གྱུར་ཅིང་། རྟག་ཏུ་བསོད་སྙོམས་སྤྱོད་པ་དང་། རྟག་ཏུ་ཅོག་པུ་པ་སྟེ། ནམ་ཡང་བློས་མ
42b5 ཕབ་བོ།། ནམ་ཡང་རྨུགས་པ་དང་གཉིད་ཀྱིས་ནོན་པར་མ་གྱུར་ཏོ།། དེ་ཟང་ཟིང་མེད་པའི་སེམས་ཀྱིས་ལོ་བྱེ་བ་ཕྲག་བཞིའི་བར་དུ་ཆོས་ཀྱི་སྦྱིན་པ་བྱིན་ཏེ། དེས་གཞན་ལ་ཐ་ན་ལེགས་སོ་ཞེས་བྱ་བ་ཙམ་ལ
42b6 ཡང་རེ་བར་མ་གྱུར་ན། རྙེད་པ་དང་བཀུར་སྟི་ལྟ་སྨོས་ཀྱང་ཅི་དགོས། དེ་ཆོས་ཉན་པ་འམ། ཆོས་བཤད་པས་ཀྱང་ངལ་བར་མ་གྱུར་ཏོ།། དེ་ལ་ལྷ་རྣམས་ཀྱང་བསྙེན་བཀུར་བྱེད་དོ།། ཡུལ་གྱི་མི་ཐམས།
42b7 ཅད་དང་། བཙུན་མོའི་འཁོར་དང་། ནང་མི་ཐམས་ཅད་དང་། གྲོགས་པོ་ཐམས་ཅད་ཀྱང་དེའི་རྗེས་སུ་བསླབས་ཏེ་རབ་ཏུ་བྱུང་ངོ་།། ཡུལ་འཁོར་སྐྱོང་དེ་ནས་གནས་གཙང་མིའི་རིས་ཀྱི་ལྷའི་བུ་རྣམས་འདི
iiif viewer powered by OpenSeadragon
