| e-texts navigator |
| Wylie |
40a1 འཁོར་སྐྱོང་དེ་ནས་རྒྱལ་པོ་འོད་ཟེར་ལྡན་གཞོན་ནུ་བཙལ་བའི་ཕྱིར། བཙུན་མོའི་འཁོར་དང་སྲོག་ཆགས་བྱེ་བ་ཁྲག་ཁྲིག་བརྒྱ་སྟོང་ཕྲག་བརྒྱད་ཅུ་རྩ་བཞི་དང་ལྷན་ཅིག་ཏུ་ཤར་གྱི་ཕྱོགས་ཆག
40a2 ལ་བ་དེར་སོང་སྟེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དོན་གྲུབ་བློ་ག་ལ་བ་དེར་སོང་ནས་ཕྱིན་པ་དང་། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ཕྱོགས
40a3 གཅིག་ཏུ་འདུག་གོ།། ཕྱོགས་གཅིག་ཏུ་འདུག་ནས་ཀྱང་། རྒྱལ་པོ་འོད་ཟེར་ལྡན་གྱིས། བཅོམ་ལྡན་འདས་ལ་ཚིགས་སུ་བཅད་པས་མངོན་པར་བསྟོད་པ། སྲིད་གསུམ་ཁྱོད་མཚུངས་མ་མཆིས་ལྷག་པ་ག་ལ
40a4 མཆིས།། སེམས་ཅན་དམ་པ་ལྷ་དབང་ལྷ་མིན་རྒྱལ་པོས་བཀུར།། སྐྱེ་བོ་ཁྱོད་ཀྱི་གཟུགས་ལ་བལྟ་བས་ངོམས་མི་འགྱུར།། ཡོན་ཏན་ཡེ་ཤེས་རྒྱ་མཚོ་དཔལ་ལ་ཕྱག་འཚལ་ལོ།། རྒྱལ་བ་ཁྱོད་སྐུ་སུམ་ཅུ
40a5 རྩ་གཉིས་མཚན་རབ་དག། ལྷུན་པོ་རིན་ཆེན་མཆོག་གིས་སྤོས་ལྟར་ཡོངས་སུ་དག། རྒྱལ་བ་སྡུག་ཅིང་འཇམ་པ་གསེར་གྱི་ཁ་དོག་འདྲ།། བལྟ་སྡུག་གཟུགས་མངའ་ཐུབ་པའི་སྐུ་ལ་ཕྱག་འཚལ་ལོ།།
40a6 བསྐལ་པ་བྱེ་བརྒྱ་བསམ་གྱིས་མི་ཁྱབ་བརྟུལ་ཞུགས་སྤྱད།། བསྐལ་པ་བྱེ་བ་བརྒྱ་མང་སངས་རྒྱས་བསྟི་སྟང་མཛད།། སྔོན་ཆད་མཆོད་སྦྱིན་བརྒྱ་ཕྲག་བསམ་གྱིས་མི་ཁྱབ་མཛད།། དེས་ན་ཁྱོད་སྐུ་བཟང
40a7 ཞིང་ཤིན་ཏུ་མཛེས་པ་ལགས།། སྦྱིན་དང་ཚུལ་ཁྲིམས་ཏིང་ངེ་འཛིན་དང་ཤེས་རབ་དང་།། བཟོད་དང་བརྩོན་འགྲུས་བསམ་གཏན་ཐབས་ཀྱིས་ཁྱོད་གཟུགས་སྦྱངས།། ཁྱོད་ཀྱི་སྤྱན་སྔར་བརྒྱ་བྱིན་ཚངས
iiif viewer powered by OpenSeadragon
