| e-texts navigator |
| Wylie |
415b1 བ་དང་། ཁེངས་པ་དང་། མི་མཐུར་པར་འཛིན་པ་ཉིད་དང་། བརྗོད་ངས་པ་ཉིད་དང་། བག་མེད་པ་དང་ཡུལ་དུ་མི་གནས་པ་དང་། དབང་པོ་རྣམས་ཀྱི་སྒོ་མ་བསྲུངས་པ་ཉིད་དང་། ཟས་ཀྱི།
415b2 ཚོད་མི་རིག་པ་ཉིད་དང་། ནམ་གྱི་ཆ་དང་། ནམ་གྱི་སླད་ལ་མིཉས་པར་སྦྱོར་བའི་རྗེས་སུ་མི་བཛིན་པ་ཉིད་དང་། དབེན་པ་ལ་མངོན་པར་མི་དགའ་བ་དང་། ཇི་ལྟ་བ་བཞིན་ལ་སོ་སོར་མི་རྟོག་པའོ།། ཚེ་དང་ལྡན་པ་དག
415b3 བར་དུ་གཅོད་པ་མ་བཅོམ་པ་དེ་དག་ཡང་དག་པར་འཇོམས་པར་འགྱུར་བའི་གཅེས་སྦས་བྱེད་པའི་ཆོས་ནི་བཅུ་གཅིག་སྟེ། འདི་ལྟ་སྟེ། འདུན་པ་ཐོབ་པ་དང་། ཕན་ཡོན་མཐོང་བ་ཉིད་དང་། མངོན་པར
415b4 སྤྲོ་བ་དང་། རྣམ་པར་འབྱེད་པ་དང་། རྒྱལ་བ་དང་། ཆོས་རྣམས་ཀྱི་མཚན་མའི་རྗེས་སུ་འབྲང་བ་དང་། བདག་ལ་མི་བརྙས་པ་དང་། གུས་པར་ཉན་པ་དང་། ཡོངས་སུ་འདྲི་བ་དང་། དབེན་པ
415b5 ལ་མངོན་པར་དགའ་བ་དང་། ཇི་ལྟ་བ་བཞིན་ལ་སོ་སོར་རྟོག་པའོ།། ཚེ་དང་ལྡན་པ་དག་འཕགས་པ་ཉན་ཐོས་དེ་ལྟར་ཡང་དག་པར་ཚུལ་བཞིན་ཡིད་ལ་བྱེད་པའི་བདག་ཉིད་ཀྱི་གཅེས་སྤྲས་བྱེད
415b6 པའི་ཆོས་ཉི་ཤུ་སྟེ། འདི་ལྟ་སྟེ། བརྩོན་པ་དང་། བརྩོན་པ་དང་འགྲོགས་པ་དང་།། ཡོངས་སུ་འདྲི་བ་དང་། འཐུན་པའི་ལུང་དང་། ལུག་ལྟར་ལྐུགས་པ་མ་ཡིན་པ་ཉིད་དང་། སྲེད་པ་རྒྱན་མ་ཡིན་པ་ཉིད་དང་།
415b7 བྱ་བ་མི་མང་བ་ཉིད་དང་། ལས་ཀྱི་མཐའ་ལེགས་པར་བྱས་པ་ཉིད་དང་། བརྩོན་པ་མ་བཏང་བ་ཉིད་དང་། བར་དུ་གཅོད་པ་རྣམས་ཐོས་ནཉམ་མིང་བ་དང་། མ་ཁེངས་པ་དང་། མཐུན་པར་འཛིན་པ་ཉིད་དང་། དྲན་པ
iiif viewer powered by OpenSeadragon
