| e-texts navigator |
| Wylie |
415a1 འགྱོད་པ་སྤོང་བར་འགྱུར་རོ།། སྡུག་བསྔལ་བ་ལ་བདག་མེད་པའི་འདུ་ཤེས་ཀུན་ཏུ་བསྟེན་བསྒོམས་ལན་མང་དུ་བྱས་ན། བདག་ཏུ་ལྟ་བ་སྤོང་བར་འགྱུར་རོ།། ཟས་ལ་མི་འགྲོ།
415a2 པའི་འདུ་ཤེས་ཀུན་ཏུ་བསྟེན་བསྒོམས་ལན་མང་དུ་བྱས་ན། རོ་ལ་སྲེད་པ་སྤོང་བར་འགྱུར་རོ།། འཇིག་རྟེན་ཐམས་ཅད་ལ་མངོན་པར་མི་དགའ་བའི་འདུ་ཤེས་ཀུན་ཏུ་བསྙེན་བསྒོམས་ལན་མང་དུ་བྱས་ན། འཇིག
415a3 རྟེན་གྱི་སྣ་ཚོགས་དག་ལ་འདུན་པ་དང་། འདོད་ཆགས་ཀྱི་རྗེས་སུ་ཆགས་པ་སྤོང་བར་འགྱུར་རོ།། སྣ་བའི་འདུ་ཤེས་ཀུན་ཏུ་བསྟེན་བསྒོམས་ལན་མང་དུ་བྱས་ན། ཡེ་ཤེས་མཐོང་བར་འགྱུར་རོ།། འདོད
415a4 ཆགས་དང་བྲལ་བའི་འདུ་ཤེས་ཀུན་ཏུ་བསྟེན་བསྒོམས་ལན་མང་དུ་བྱས་ན། ཀུན་ཏུ་འདོད་ཆགས་པ་སྤོང་བར་འགྱུར་རོ།། འགོག་པའི་འདུ་ཤེས་ཀུན་ཏུ་བསྟེན་བསྒོམས་ལན་མང་དུ་བྱས་ན།
415a5 ཕུང་པོ་ཟད་པར་འགྱུར་རོ།། འཆི་བའི་འདུ་ཤེས་ཀུན་ཏུ་བསྟེན་བསྒོམས་ལན་མང་དུ་བྱས་ནས། གསོན་པ་ལ་འཆུམས་པ་སྤོང་བར་འགྱུར་རོ།། ཚེ་དང་ལྡན་པ་དག་འཕགས་པ་ཉན་ཐོས་དེ་ལྟར་ཡང་དག
415a6 པར་ཚུལ་བཞིན་བྱེད་པའི་བདག་ཉིད་ལ་བར་དུ་གཅོད་པའི་ཆོས་ཉི་ཤུ་སྟེ། འདི་ལྟ་སྟེ། མི་བརྩོན་པ་དང་། མི་བརྩོན་པ་དང་འགྲོགས་པ་དང་། ཡོངས་སུ་མི་འདྲི་བ་དང་། མི་མཐུན་པའི་ལུང་དང་།
415a7 ལུག་ལྟར་ལྐུགས་པ་ཉིད་དང་། སྲེད་པ་ཅན་ཉིད་དང་། བྱ་བ་མང་བ་ཉིད་དང་། ལས་ཀྱི་མཐའ་ཉེས་པར་བྱས་པ་ཉིད་དང་། བརྩོན་པ་གཏང་བ་ཉིད་དང་། བར་དུ་གཅོད་པ་རྣམས་ཐོས་ན་ཉམ་པ
iiif viewer powered by OpenSeadragon
