| e-texts navigator |
| Wylie |
414a1 བ་དང་། དབང་པོ་རྣམས་ཀྱི་སྒོམ་བསྲུངས་པ་དང་། ཟས་ཀྱི་ཚོད་མི་རིག་པ་དང་། དབེན་པ་ལ་མངོན་པར་མི་དགའ་བ་དང་། ཇི་ལྟ་བ་བཞིན་ལ་སོ་སོར་མི་རྟོག་པ།།
414a2 མི་རྟག་པའི་འདུ་ཤེས་ཀྱི་བར་དུ་གཅོད་པ་ནི་འདུ་བྱེད་ལ་རྗེས་སུ་ཆགས་པའོ།། མི་རྟག་པ་ལ་སྡུག་བསྔལ་བའི་འདུ་ཤེས་ཀྱི་བར་དུ་གཅོད་པའི་ཆོས་ནི་དྲུག་སྟེ། འདི་ལྟ་སྟེ། ལེ་ལོ་དང་། འགྱོད
414a3 པ་དང་། ཡལ་བ་དང་། བག་མེད་པ་དང་། མི་བརྩོན་པ་དང་། ཇི་ལྟ་བ་བཞིན་སོ་སོར་མི་རྟོག་པའོ།། སྡུག་བསྔལ་བ་ལ་བདག་མེད་པའི་འདུ་ཤེས་ཀྱི་བར་དུ་གཅོད་པ་ནི་བདག་ཏུ་ལྟ་བའོ།། ཟས་ལ་མི་འཕྲོད་པའི
414a4 འདུ་ཤེས་ཀྱི་བར་དུ་གཅོད་པ་ནི་ལོ་ལ་སྲེད་པའོ།། འཇིག་རྟེན་ཐམས་ཅད་ལ་མངོན་པར་མི་དགའ་བའི་འདུ་ཤེས་ཀྱི་བར་དུ་གཅོད་པ་ནི། འཇིག་རྟེན་གྱི་སྣ་ཚོགས་དག་ལ་བདུན་པ་དང་། འདོད་ཆག
414a5 ཀྱི་རྗེས་སུ་ཆགས་པའོ།། སྣང་བའི་འདུ་ཤེས་ཀྱི་བར་དུ་གཅོད་པའི་ཆོས་ནི་བཅུ་གཅིག་སྟེ། འདི་ལྟ་སྟེ། ཐེ་ཚོམ་དང་། ཡིད་ལ་མི་བྱེད་པ་དང་། ལུས་ཀྱི་གནས་ངན་ལེན་དང་།།
414a6 གཉིད་དང་། རྨུགས་པ་དང་། ཕ་ཅང་བརྩོན་འགྲུས་དྲགས་པ་དང་། ཧ་ཅུང་བརྩོན་འགྲུས་ཞན་པ་དང་། དགའ་བ་དང་། སྤོབས་པ་མེད་པ་དང་། འདུ་ཤེས་སྣ་ཚོགས་དང
414a7 ཅང་སྨྲ་བ་མང་བ་དང་། གཟུགས་རྣམས་ལ་ངེས་པར་རྟོགས་པ་ཉིད་དོ།། འདོད་ཆགས་དང་བྲལ་བའི་འདུ་ཤེས་ཀྱི་བར་དུ་གཅོད་པ་ནི་ཀུན་ཏུ་འདོད་ཆགས་པའོ།། འགོག་པའི་འདུ
iiif viewer powered by OpenSeadragon
