| e-texts navigator |
| Wylie |
413b1 བཞིན་དུའང་ཡིད་ལ་བྱེད་པའོ།། ཚེ་དང་ལྡན་པ་དག་འཕགས་པ་ཉན་ཐོས་དེ་ལྟར་ཡང་དག་པར་ཚུལ་བཞིན་ཡིད་ལ་བྱས་པའི་བདག་ཉིད་ཀྱིས་འདུ་ཤེས
413b2 བཅུ་པོ་འདི་ལྟ་སྟེ། མི་སྡུག་པའི་འདུ་ཤེས་དང་། མི་རྟག་པའི་འདུ་ཤེས་དང་མི་རྟག་པ་ལ་སྡུག་བསྔལ་བའི་འདུ་ཤེས་དང་། སྡུག་བསྔལ་ལ།
413b3 བདག་མེད་པའི་འདུ་ཤེས་དང་། ཟས་ལ་མི་འཕྲོད་པའི་འདུ་ཤེས་དང་འཇིག་རྟེན་ཐམས་ཅད་ལ་མངོན་པར་མི་དགའ་བའི་འདུ་ཤེས་དང་སྡང་བའི
413b4 འདུ་ཤེས་དང་། འདོད་ཆགས་དང་བྲལ་བའི་འདུ་ཤེས་དང་། འགོག་པའི་འདུ་ཤེས་དང་། འཆི་བའི་འདུ་ཤེས་དག་བསྒོམ་པར་བྱའོ།། ཚེ་དང
413b5 ལྡན་པ་དག་མི་སྡུག་པའི་འདུ་ཤེས་ཀྱི་བར་དུ་གཅོད་པའི་ཆོས་ནི་བཅུ་བ་ནི་སྟེའདི་ལྟ་སྟེ། བུད་མེད་དང་ལྷན་ཅིག་གནས་པ་དང་རྔམ་པ་ག་ཡེངས
413b6 པས་བུད་མེད་ལ་ལྟ་བ་དང་། བག་མེད་པ་དང་། འདོད་ཆགས་ཤས་ཆེ་བ་ཉིད་དང་སྡུག་པའི་མཚན་མའི་རྗེས་སུ་བརྩོན་པ་དང་། མི་གཙང་བ
413b7 ལ་སོ་སོར་མི་རྟོག་པ་དང་ལས་ཀྱི་མཐའ་ལ་ཞུགས་པའི་གང་ཟག་དང་ལྷན་ཅིག་སྦྱོར་བ་དང་། དེ་དག་དང་འཐུན་པར་བྱེད་པ་དང་། གུས་པར་མི་ཉན་པ་དང་། ཡོངས་སུ་མི་འདྲི།
iiif viewer powered by OpenSeadragon
