| e-texts navigator |
| Wylie |
413a1 བདེན་པ་བཞི་ཤེས་པར་བྱ་བ་ལ་མིག་རྣམ་པར་དག་པར་འགྱུར་རོ།། མྱ་ངན་ལས་འདས་པ་གཙོར་བྱ་བ་ལ་རྣམ་པར་གྲོལ་བ་ཡོངས་སུ་རྫོགས་པར
413a2 འགྱུར་རོ།། ཚེ་དང་ལྡན་པ་དག་འཕགས་པ་ཉན་ཐོས་དེ་ལྟར་ཆོས་ཡང་དག་པར་ཉན་ན་གྲོགས་པ་ལའང་མཐོ་མི་འཚམ་ཆོས་ཀྱི་གཏམ་གྱི་རོའང་མྱོང་བར
413a3 འགྱུར། སྟོན་པ་ལའང་ཆོས་ཉིད་ཀྱི་རིམ་གྲོ་བྱེད། བདག་གི་དོན་ཡང་རྗེས་སུ་འཐོབ། མྱ་ངན་ལས་འདས་པའང་འཐོབ་པར་འགྱུར་རོ།། ཆོས་འདི་དག་ནི་དེའི
413a4 ཤེས་རབ་ཡོངས་སུ་སྨིན་པར་འགྱུར་བ་སྟེ། འདི་ལྟ་སྟེ། དགེ་བའི་བཤེས་གཉེན་ལ་བསྟེན་པ་དང་། དགེ་བའི་ངང་ཚུལ་ཉིད་དང་། ང་སེམས་ཤེས་རབ
413a5 ཅན་ཉིད་དང་བཀའ་བློ་བདེ་བ་ཉིད་དང་། གུས་པར་ཉན་པ་དང་ཡོངས་སུ་འདྲི་བ་དང་དམ་པའི་ཆོས་ཉན་པ་དང་དམ་པའི་ཆོས་རྟག།
413a6 ཏུ་བྱེད་པ་དང་། སྤྲོ་བར་བྱ་བའི་ཆོས་རྣམས་ལ་སྐྱོ་བ་དང་། དེ་བཞིན་དུ་ཀུན་ཏུ་སྐྱོ་བ་ལའང་ཚུལ་བཞིན་དུ་ཡིད་ལ་བྱེད་པ་དང་། མི་དགེ་བའི་ཆོས་ཐམས
413a7 ཅད་སྤོང་བས་དགེ་བའི་ཆོས་རྣམས་ལ་ཚུལ་བཞིན་དུ་རབ་ཏུ་འཇོག་པ་དང་། དེ་རྣམ་པར་བྱང་བ་དང་། ཏིང་ངེ་འཛིན་ལ་དབང་འཐོབ་ཅིངཚུལ
iiif viewer powered by OpenSeadragon
