| e-texts navigator |
| Wylie |
293a1 བར་འགྱུར་བར་དང་། བདེ་བ་ལ་མངོན་པར་དགའ་ཞིང་དང་བ་མང་ལ། སྐྱེ་བོ་མང་བྲོ་བསྟི་སྟང་བྱ་བར་འགྱུར་བ་དང་། སེམས་སྡུམ་ཞིང་ལས་སུ་རུང་བས། ཚངས་པའི་འཇིག་རྟེན་དུ
293a2 སྐྱེ་བ་ཐོབ་པ་མི་དཀོན་པར་འགྱུར་བ་སྟེ། ཀླུའི་བདག་པོ་གནོད་སེམས་སྤངས་པའི་སྐྱེས་བུ་གང་ཟག་ནི། ཡིད་བདེ་བར་བྱེད་པའི་ཆོས་བརྒྱད་པོ་དེ་དག་ཐོབ་བོ།། གནོད་སེམས་སྤངས་པའི་དགེ་བའི་རྩ་བ་དེ
293a3 གལ་ཏེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྤྲོ་ན།། དེ་དགེ་བའི་རྩ་བ་དེས་སེམས་ཐོགས་པ་མེད་པའི་དེ་བཞིན་གཤེགས་པ་བལྟ་བས་མི་ངོམས་པར་འགྱུར་རོ།། ཀླུའི་བདག་པོ
293a4 ལོག་པར་ལྟ་བ་སྤངས་པའི་སྐྱེས་བུ་གང་ཟག་ནི། ཡོན་ཏན་གྱི་ཆོས་བཅུ་ཐོབ་བོ།། བཅུ་གང་ཞེ་ན། འདི་ལྟ་སྟེ། བསམ་པ་དགེ་བར་འགྱུར་ཞིང་གྲོགས་པོ་དགེ་བ་རྙེད་པར་འགྱུར་བ་ཡིན། ལས
293a5 ཀྱི་རྣམ་པར་སྨིན་པ་ལ་ཡིད་ཆེས་པས། སྲོག་གི་ཕྱིར་ཡང་སྡིག་པའི་ལས་མི་བྱེད་པ་ཡིན། ལྷུར་སངས་རྒྱས་འཛིན་གྱི། གཞན་ལྷར་མི་འཛིན་པ་ཡིན། ངོ་འཚར་དང་བཀྲ་ཤིས་དང་བྲལ་བས
293a6 ལྟ་བ་དྲང་བ་ཡིན། གྲོགས་ལྷ་དང་མི་ཡིན་གྱི་དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་པ་གྲོགས་སུ་མི་འགྱུར་བ་ཡིན། བསོད་ནམས་སྦྱངས་པས་ཁྱད་པར་འགྲོ་བ་ཡིན། ལོགས་པ
293a7 ཐམས་ཅད་མེད་པས། འཕགས་པའི་ལམ་དུ་ཞུགས་པ་ཡིན། འཇིག་ཚོགས་ལ་ལྟ་བ་དང་བྲལ་ཞིང་སྡིག་པ་ཐམས་ཅད་ཡོངས་སུ་སྤངས་པ་ཡིན། ཡང་དག་པར་སོང་ཞིང་ཡང་དག་པར་ཞུགས་པས
iiif viewer powered by OpenSeadragon
