| e-texts navigator |
| Wylie |
291a1 ཤེས་པས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཆང་རྒྱ་བར་འགྱུར་རོ།། ཀྭའི་བདག་པོ་འདོད་པ་ལ་ལོག་པར་གཡེམ་པ་སྤངས་པའི་སྐྱེས་བུ།
291a2 གང་ཟག་ནི། མཁས་པས་བསྔགས་པའི་ཆོས་བཞི་ཐོབ་བོ།། བཞི་གང་ཞེ་ན་འདི་ལྟ་སྟེ། དབང་པོ་སྡོམ་པ་དང་། རྒོད་པ་ལས་ཡང་དག་པར་འདའ་བ་དང་། འཇིག་རྟེན་ཐམས་ཅད་ཀྱིས
291a3 བསྔགས་པ་དང་། ཆུང་མ་མི་འཕྲོག་པ་སྟེ། ཀླུའི་བདག་པོ་འདོད་པ་ལ་ལོག་པར་གཡེམ་པ་སྤངས་པའི་སྐྱེས་བུ་གང་ཟག་ནི་མཁས་པས་བསྔགས་པའི་ཆོས་བཞི་པོ་དེ་དག་འཐོབ་བོ།། འདོད་པ་ལ
291a4 ལོག་པར་གཡེམ་པ་སྤངས་པའི་དགེ་བའི་རྩ་བ་དེ་གལ་ཏེ་ཡང་དག་པར་རྫོགས་པའི་བྱང་ཆུབ་ཡོངས་སུ་སྔོ་ན། དེ་དགེ་བའི་རྩ་བ་དེས། སྐྱེས་བུ་ཆེན་པོའི་མཚན་མདོམས་ཀྱི་སྦ་བ་སྦུབས་སུ་ནུབ་པ
291a5 འཐོབ་བོ།། ཀླུའི་བདག་པོ་བརྫུན་དུ་སྨྲ་བ་སྤངདྲ་བའི་སྐྱེས་བུ་གང་ཟག་ནི། ལྷ་དང་། མིས་བསྔགས་པའི་ཆོས་བརྒྱད་ཐོབ་བོ།། བརྒྱད་གང་ཞེ་ན། འདི་ལྟ་སྟེ། ཨུཏྤ་ལའི་དྲི་འབྱུང་བས་ལ་ཡོངས་སུ
291a6 དག་པ་ཐོབ་པར་འགྱུར་བ་དང་། འཇིག་རྟེན་ཐམས་ཅད་ཀྱི་ཚད་མར་འགྱུར་བ་དང་། ལྷ་དང་མི་དགའ་བས་དབང་གཅིག་པོར་འགྱུར་བ་དང་། དབུགས་འབྱིན་པ་ས་འབྱུང་པོ་རྣམས་དོགས་པ་མེད
291a7 པར་འགྱུར་བ་དང་། ལྷག་པའི་བསམ་པ་ཕུན་སུམ་ཚོགས་པས་ལུས་དང་། ངག་དང་། སེམས་ཡོངས་སུ་དག་པར་འགྱུར་བ་དང་། ཚིག་འཁྲུལ་པ་མེད་པས་མཆོག་ཏུ་དགའ་བ་མང་བར་འགྱུར་བ་དང་།
iiif viewer powered by OpenSeadragon
