| e-texts navigator |
| Wylie |
289a1 པོ་ཁྱོད་ཀྱི་བཀོད་པ་འདི་ཡང་བསོད་ནམས་ཐམས་ཅད་ལས་བྱུང་བའོ།། ཀླུའི་བདག་པོ་བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་དང་། ལྷ་དང་། ཀླུ་དང་།
289a2 གནོད་སྦྱིན་དང་། དྲི་ཟ་དང་། ལཱ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ཡིན་པ་འདི་དག་གི་བཀོད་པ་གང་ཡིན་པ་དེ་དག་ཐམས་ཅད་ཀྱང་བསོད
289a3 ནམས་ལས་བྱུང་བའོ།། ཀླུའི་བདག་པོ་འདི་ན་གང་དག་ལས་སྣ་ཚོགས་གཟུགས་མི་སྡུག་ཅིང་དབྱིབས་མི་ལེགས་པ་དང་། དབྱིབས་ལེགས་པ་དང་། ལུས་རགས་ཤིང་ཆེ་བ་རྣམས་དང་། གང་དག་ལུས
289a4 ཕྲ་ཞིང་ཆུང་བ་དེ་དག་ཐམས་ཅད་ཀྱང་རང་རང་གི་སེམས་དང་ལུས་དང་ངག་དང་། ཡིད་ཀྱི་ལས་དགེ་བ་དང་། མི་དགེ་བ་སྣ་ཚོགས་སུ་བྱས་པས་སྣ་ཚོགས་སུ་གྱུར་པ་དག་གོ།། ཀླུའི་བདག
289a5 པོ་དེ་བས་ན་ལས་བདག་གིར་བྱ་བ། ལས་ཀྱི་བགོ་སྐལ་ལ་སྤྱོད་པ། ལས་ཀྱི་སྐྱེ་གནས་པ། ལས་ཀྱི་རྣམ་པར་སྨིན་པ་ལ་རྟོན་པར་བྱའོ།། ཞེས་ཀླུའི་བདག་པོ་ཁྱོད་ཀྱིས་དེ་ལྟར་སྤོབས་ཤིག་དང་།
289a6 ལས་བདག་གིར་བྱ་བ་དང་། ལས་ཀྱི་བགོ་སྐལ་ལ་སྤྱོད་པ། ལས་ཀྱི་རྣམ་པར་སྨིན་པ་ལ་རྟོན་པ། ཁྱོད་དགེ་བའི་ཆོས་མངོན་པར་འདུ་བྱ་བ་བློ་འཇུག་པར་འགྱུར་རོ།། ལྟ་བ་ཆུད་གསོན་པར
289a7 བྱེད་པར་མི་འགྱུར་རོ།། ཆད་པ་དང་། རྟོག་པ་རོ་ལྟ་བ་ལ་གནས་པར་མི་འགྱུར་རོ།། ཁྱེད་ཀྱིས་སྦྱིན་པའི་གནས་རྣམས་མགུ་བར་བྱེད་པར་འགྱུར་རོ།། མགུ་བར་བྱས་ནས་ཀྱང་བསྟི་སྟང
iiif viewer powered by OpenSeadragon
