| e-texts navigator |
| Wylie |
283b1 གང་བདུད་ཀྱི་ཞགས་པས་ཀྱང་མ་བཅིངས་ལ། བྱང་ཆུབ་སེམས་དཔའི་སྤྱད་པ་ཡང་སྤྱོད་ན། ཅི་དེ་དམ་པའི་ཆོས་འཛིན་པ་ལགས་སམ། བཀའ་སྩལ་པ། རིགས་ཀྱི་བུ་དེ་ནི་དེ་བཞིན་ནོ།། བྱང་ཆུབ།
283b2 སེམས་དཔའ་བློ་གྲོས་རྒྱ་མཚོས་གསོལ་པ། བཅོམ་ལྡན་འདས་གང་ཆོས་ཐམས་ཅད་རྒྱ་མཚོའི་ཕྱག་རྒྱར་ཡང་དག་པར་འདུ་བ་དང་། རྣམ་པར་གྲོལ་བའི་ངོ་བོ་ཉིད་རོ་གཅིག་པར་འཚལ་ན། ཅི་དེ་དམ་པའི
283b3 ཆོས་འཛིན་པ་ལགས་སམ། བཀའ་སྩལ་པ། རིགས་ཀྱི་བུ་དེ་ནི་དེ་བཞིན་ནོ།། ལྷའི་བུ་མཚན་བཟང་གིས་གསོལ་བ། བཅོམ་ལྡན་འདས་གང་སྐྱེ་ཡང་སྐྱེ་ལ། ཕུང་པོ་དང་། ཁམས་དང་། སྐྱེ་མཆེད
283b4 རྣམ་འབྱུང་བ་ཡང་མི་འཛིན། འབྱུང་ཡང་འབྱུང་ལ། དེ་སེམས་དང་ཡིད་དུ་དོགས་པར་ཡང་མི་བགྱིད་ར། ཅི་དེ་དམ་པའི་ཆོས་འཛིན་པ་ལ་གྲ་སམ། བཀའ་སྩལ་པ། ལྷའི་བུ་དེ་ནི་དེ་བཞིན་ནོ།།
283b5 ལྷའི་བུ་དྲི་མ་མེད་པས་གསོལ་པ། བཅོམ་ལྡན་འདས་གང་ཆོས་ཐམས་ཅད་དྲི་མ་མ་མཆིས་པ་དང་། སྙིགས་མ་མ་མཆིས་པ་དང་། འདོད་ཆགས་ཀྱི་རྡུལ་དང་བྲལ་བར་རིག་ནས། རྒྱུ་ལས་བྱུང་བ
283b6 ལས་རྣམ་པར་གྲོལ་བར་མི་བགྱིད་ན། ཅི་རེ་དམ་པའི་ཆོས་འཛིར་པ་ལགས་སམ། བཀའ་སྩལ་པ། ལྷའི་བུ་དེ་ནི་དེ་བཞིན་ནོ།། ལྷའི་བུ་སེམས་ཅན་སྒྲོལ་གྱིས་གསོལ་པ། བཅོམ་ལྡན་འདས
283b7 གང་སེམས་ཅན་རྣམས་ཀྱང་སྒྲོལ་བར་བགྱིད་ལ། བ.རག་མ་མཆིས་པ་ཡང་འཚལ། བསྒྲལ་ནས་ཀྱང་འཇུ་པར་བགྱིད་ལ། ཚུལ་རོལ་དང་ཕ་རོལ་གྱི་འགྲམ་ན་ཡང་མི་གནས་ན། ཅི་དེ་དམ
iiif viewer powered by OpenSeadragon
