| e-texts navigator |
| Wylie |
267b1 ཆེན་པོ་བརྒྱན་ལགས་སོ།། དེ་ཅིའི་སྲད་དུ་ཞེན། བཅོམ་ལྡན་འདས་བྱང་ཆུབ་ཀྱི་སེམས་ནི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་ཀྱི་རྒྱུར་ལགས་ན། རྒྱ་མཚོཚམ
267b2 པོའི་ལྟ་སྨོས་ཀྱང་ཅི་འཚལ་ཏེ། བྱང་ཆུབ་ཀྱི་སེམས་དེ་ནི། སངས་རྒྱས་ཀྱི་ཞིང་ཐམས་ཅད་བརྒྱན་པའི་སླད་དུ། བདག་ཅག་གིས་བསྐྱེད་ལགས་སོ།། བཅོམ་ལྡན་འདས་དེ་བཞིན
267b3 གཤེགས་པ་བཞུགས་ཀྱང་རུང་། ཡོངས་སུ་མྱ་ངན་ལས་འདས་ཀྱང་རུང་སྟེ། བདག་ནི་རྒྱ་མཚོ་ཆེན་པོའི་ནང་ན་གནས་བཞིན་དུ། དམ་པའི་ཆོས་ཡོངས་སུ་བསྲུང་བའི་སླད་དུ། རྟག་ཏུ
267b4 བརྩོན་པ་ཁོ་ནར་འཚལ་ལོ།། བཅོམ་ལྡན་འདས་གྲོང་ཁྱེར་དུ་གཤེགས་པ་ན་ཡང་། བཀོད་པ་ཐམས་ཅད་ཉེ་བར་བསྟན་པར་འཚལ་ལོ།། ཆོས་ཀྱི་འབེལ་བའི་གཏམ་མཛད་པ་ན་ཡང་།
267b5 འཁོར་གྱི་ཁྱམས་ཀྱི་བཀོད་པ་བསྒྲུབ་པར་འཚལ་ལོ།། བཅོམ་ལྔས་འདས་ཀྱིས་བཀའ་སྩལ་པ། འོད་ལྡན་མ་འདི་ལྟར་ཁྱོད་ཀྱིས་ནི་སངས་རྒྱས་ཁྲི་ལ་མཆོད་པ་བྱས་སོ།། འཁོར་གྱི
267b6 ཁྱམས་ཀྱི་བཀོད་པ་ཡང་བསྟན་ཏོ།། དམ་པའི་ཆོས་ཀྱང་ཡོངས་སུ་བསྲུངས་སོ།། འོད་ལྡན་མ་ཁྱོད་ནི་བསྐལ་པ་བཟང་པོའི་དེ་བཞིན་གཤེགས་པ་ཐམས་ཅད་ལ་ཡང་མཆོད་པ་བྱེད
267b7 པར་འགྱུར་རོ།། དམ་པའི་ཆོས་ཀྱང་ཡོངས་སུ་སྲུང་བར་འགྱུར་རོ།། ཁྱོད་ནི་བསྐལ་པ་བཟང་པོ་འདི་འདས་པའི་འོག་ཏུ་དེ་བཞིན་གཤེགས་པ་མི་འཁྲུགས་པའི་སངས་རྒྱས་ཀྱི
iiif viewer powered by OpenSeadragon
