| e-texts navigator |
| Wylie |
265b1 གྱུར་པསབཅོམ་ལྡན་འདས་དེ་བཞིན་གཤེགས་པ་གསེར་ཐུབ་དེ་མ་མཉེས་པར་བགྱིས་སོ།། བཅོམ་ལྡན་འདས་བདག་ཅག་གིས། ད་སླན་ཆད་རང་གི་སྲོག་ཀྱང་ཡོངས་སུ་གཏམ་པར་འཚལ་གྱི།
265b2 སྡིག་པའི་ལས་རི་མི་བགྱིད་དོ།། བཅོམ་ལྡན་འདས་ཀྱིས་དེ་དག་ཆོས་ཀྱི་གཏམ་གྱིས་དགའ་བ་བསྐྱེད་ནས། འདི་སྐད་ཅེས་བཀའ་སྩལ་ཏོ།། གྲོགས་པོ་དག་ཁྱེད་དེ་བཞིན་གཤེགས་པ་བྱམས་པའི
265b3 འདུས་པ་དང་པོའི་གྲངས་སུ་གཏོགས་པར་འགྱུར་རོ།། དེ་ནས་བཅོམ་ལྡན་འདས་ཀྱིས། རྒྱ་མཚོ་ཆེན་པོར་སེམས་ཅན་གྱི་དོན་ཇི་སྙེད་བྱ་དགོས་པ་དེ་དག་ཐམས་ཅད་མཛད་ནས
265b4 ཀླུའི་རྒྱལ་པོ་རྒྱ་མཚོ་ལ་བཀའ་སྩལ་པ། ཀླུའི་བདག་པོ་ཚུར་ཤོག། ད་རང་གི་མལ་ཆ་དང་སྟན་རྣམས་སྡུས་ཤིག། ད་ནི་རང་གི་གནས་སུ་འགྲེའོ།། དེ་ནས་བཅོམ་ལྡན
265b5 འདས་ཞམ་རིང་བ་དང་བཅས་པར་གདན་ལས་བཞེངས་ནས། རྒྱ་མཚོ་ཆེན་པོའི་ནང་ནས། ཕྱིར་ཡང་རིན་པོ་ཆེའི་ཐེམ་སྐས་རྣམས་ལས་བཀོད་པ་ཆེན་པོ་དང་། མཆོད་པ་ཆེན་པོ་དང
265b6 སངས་རྒྱས་ཀྱི་ཆེ་བ་ཉིད་ཆེན་པོས་གཤེགས་ནས། མགུར་བསལ་ཏེ། རྒྱ་མཚོའི་འགྲམ་དུ་གཞེས་སོ།། དེ་ནས་རྒྱ་མཚོ་ཆེན་པོའི་ལྷ་མོ་འོད་ལྡན་མས། བཅོམ་ལྡན་འདས་ལ་ཚིག
265b7 སུ་བཅད་པ་འདི་དག་གིས་མངོན་པར་བསྟོད་པ། སུམ་ཅུ་རྩ་གཉིས་མཚན་མངའ་ལྷ་དང་མེས་མཆོད་པ་ལྷ་མི་དབང་པོས་བསྙེན་བཀུར་མི་མཆོག་དང་ཕྱག་འཚལ།། པདྨ་ལྟ་བུའི་སྤྱན
iiif viewer powered by OpenSeadragon
