| e-texts navigator |
| Wylie |
265a1 ཏོ།། དགེ་སློང་བཞི་པོ་དེ་དག་རྙེད་པ་དང་། བཀུར་སྟི་དང་། ཚིགས་སུ་བཅད་པའི་རྒྱགས་པས་མྱོས་ཤིང་། མཛའ་བཤེས་ཀྱི་ཁྱིམ་དང་། སློངས་མོ་སྟེར་བའི་ཁྱིམ་གྱི།
265a2 རྒྱགས་པས་མྱོས་ལ་བདག་ཉིད་ནི་ཚུལ་ཁྲིམས་དང་། ཆོ་ག་དང་། ལྟ་བ་ཉམས་ཚུལ་ཁྲིམས་དང་ལྡན་པའི་དགེ་སློང་རྣམས་ལ་ནི་འཁྲུག་པ་དང་། གནོད་པ་བྱས་ཏེ། ལུས་དང་ངག་དང
265a3 ཡིད་མ་བསྡམས་ཤིང་སྡིག་པ་མང་པོ་བྱས་པར་གྱུར་ཏོ།། དེ་བཞིན་གཤེགས་པ་གསེར་ཐུབ་དེ་ལ་ཡང་དེ་དག་གིས་མཆོད་པ་མང་པོ་བྱས་སོ།། དེས་ན་ཁྱེད་སེམས་ཅན་དམྱལ་བར་མ་སོང
265a4 སྟེ། དུད་འགྲོའི་སྐྱེ་གནས་འདིར་སྐྱེས་ནས་འདི་ལྟར་སྡོམ་པས་མ་བསྡམས་པའི་ཕྱིར། ཁྱེད་ཀྱིས་སྲོག་གཅོད་པ་མང་དུ་བྱས་ཤིང་། སྡིག་པའི་ལས་མང་དུ་བྱས་ལ། མང་པོ་དག་ཀྱང
265a5 འཇིགས་པར་བྱས་སོ།། དེ་ནས་བཅོམ་ལྡན་འདས་ཀྱིས་དེའི་ཚེ། བྱའི་རྒྱལ་པོ་ནམ་མཁའ་ལྡིང་བཞི་པོ་དེ་དག་གིས་ཅི་ནས་ཚེ་རབས་དྲན་པར་འགྱུར་བ་དང་། དེ་བཞིར་གཤེགས་པ་གསེར་ཐུབ་དེ་དང་།
265a6 དེར་དགེ་སློང་དུ་གྱུར་ནས་ལས་མངོན་པར་འདུ་བྱེད་པ་མངོན་པར་འདུས་བྱས་པ་དེ་དག་ཐམས་ཅད་རྗེས་སུ་དྲན་པར་འགྱུར་བ། དེ་ལྟ་བུའི་རྫུ་འཕྲུལ་མངོན་པར་འདུ་བྱེད་པ་མཛད་དོ།། དེ་དག་གིས
265a7 ཀྱང་མངོན་སུམ་དུ་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་སེམས་ནི་དམུ་རྒོད་དངུལ་དཀའ་ཞིང་། སྲུང་དཀའ་བ་ལགས་ཏེ་དེར་བདག་གི་སེམས་བརྐམ་ཆགས་ཅན་དུ
iiif viewer powered by OpenSeadragon
