| e-texts navigator |
| Wylie |
263b1 སློབ་པའི་གཞི་རྣམས་ཀྱང་གཟུང་བར་འཚལ་ལོ།། དེ་བཞིན་གཤེགས་པ་ལ་ཡང་བཀའ་དྲིན་དུ་གཟོ་བར་འཚལ་ཏེ། དེ་བཞིན་གཤེགས་པ་བཞུགས་པ་ན་ཡང་། བལྟ་བ་དང་། ཕྱག་འཚལ་བ
263b2 དང་བསྙེན་བཀུར་བགྱི་བ་དང་། ཆོས་མཉན་པའི་སླད་དུ་རྒུན་མི་འཆད་པར་ཐད་དུ་མཆིའོ།། དེ་བཞིན་གཤེགས་པ་ཡོངས་སུ་མྱ་ངན་ལས་འདས་པ་ན་ཡང་སྐུ་གདུང་འཆང་བ་རྣམས་ལ་མཆོད
263b3 པ་བགྱིའོ།། བཀུར་སྟི་དང་། རིམ་གྲོ་ཐམས་ཅད་ཀྱང་བགྱིའོ།། ཀླུ་ཡོངས་སུ་བསྒྲུབ་པ་ཞེས་བྱ་བའི་ལེའུ་སྟེ་བདུན་པའོ།། ། དེ་ནས་བྱའི་རྒྱལ་པོ་ནམ་མཁའ་ལྡིང་བཞིས
263b4 དེ་བཞིན་གཤེགས་པའི་བྱིན་གྱིས་བརླབས་འདི་ཐོས་ནས། མི་དགའ་ཞིང་རིངས་པའི་ཚུལ་གྱིས། བཅོམ་ལྡན་འདས་ག་ལ་བ་དེར་སོང་སྟེ་ལྷགས་ནས། བཅོམ་ལྡན་འདས་ཀྱིས་ཞབས་ལ་མགོ
263b5 བོས་ཕྱག་འཚལ་ཏེ། ལན་གསུམ་བསྐོར་བ་བྱས་ནས། མཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་ཀྱིས་བདག་ཅག་གི་འཚལ་མ་བཀུམ་སྟེ་ཅི་བགྱི་ལགས
263b6 བཅོམ་ལྡན་འདས་ཀྱིས་བཀའ་སྩལ་པ། གྲོགས་པོ་དག་ཟས་བཞི་པོ་འདི་དག་ནི་སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་དུ་འགྲོ་བར་འགྱུར་བ་ཡིན་ཏེ། བཞི་གང
263b7 ཞེ་ན། གྲོགས་པོ་དག་ཟས་གང་སྲོག་ཆགས་གཞན་གསད་པ་དང་། སྲོག་ཆགས་གཞན་ལ་རྣམ་པར་འཆེ་བ་དང་། གཞན་གྱི་སྲོག་གཅད་པས་འཚོ་བ་འདི་ནི། སེམས་ཅན་དམྱལ་བ་དང་། དུད
iiif viewer powered by OpenSeadragon
