| e-texts navigator |
| Wylie |
259b1 སོ།། འཁོར་ལོ་དོན་གཅིག་དང་ཐ་དད་པར་མི་དམིགས་པས་པ་ཐ་དད་པ་མ་ལགས་སོ།། འཁོར་ལོ་དེ་ནི་སྒྲ་དང་། སྐད་དང་། ཚིག་གི་ལམ་ཐམས་ཅད་རོ་གཅིག་པས། བརྗོད་དུ་མ་མཆིས་པ
259b2 ལགས་སོ།། འཁོར་ལོ་དེ་ནི་ཤིན་ཏུ་ཀུན་ནས་ཉོན་མོངས་པ་ཅན་མ་ལགས་པས། རྣམ་པར་དག་པ་ལགས་སོ།། འཁོར་ལོ་ད་ནི་ཆད་པ་དང་རྟག་པ་མི་དམིགས་པས་ཡོད་པ་ཡོངས་སུ་ཆད་པ་མ
259b3 ལགས་སོ།། འཁོར་ལོ་དེ་ནི་རྒྱུ་དང་རྐྱེར་ཤིན་ཏུ་བརྟགས་པས་འགལ་བ་མ་མཆིས་པ་ལགས་སོ།། འཁོར་ལོ་དེ་ནི་བདེན་པ་ལགས་སོ།། འཁོར་ལོ་དེ་ནི་མི་སྐྱེ་མི་འགག་པ་ལགས་སོ།། འཁོར།
259b4 འཁོར་ལ་དན་སྟོང་པ་ཉིད་དང་། མཚན་པ་མེད་པ་དང་། སྨོན་པ་མེད་པ་ལགས་སོ།། བཙུན་པ་འོད་སྲུངས་ཆེན་པོ་འཁོར་ལོ་དེ་འདྲ་བ་གང་ལགས་པ་དེའི་བསྐོར་བ་ཇི་འདྲ་བ་ཞིག་ལགས་སྨྲས་པ། བུ་མོ་ཁྱོད་ཀྱིས་བསྟན
259b5 པ་འདི་འདྲ་བ་ལས་ནས། ཁྱོད་ནི་རིང་པོར་མི་ཐོགས་པར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ།། སྨྲས་པ། གང་གི་ཚེ་གནས
259b6 བརྟན་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་བ་དེའི་ཚེ། བདག་ཀྱང་མངོན་པར་རྫོགས་པར་འཚང་རྒྱ་བར་འགྱུར་ལགས་སོ།། སྨྲས་པ། ཁོ་བོ་བྱང་ཆུབ་མངོན་པར་རྫོགས
259b7 པར་འཚང་རྒྱ་བར་འགྱུར་བ་དེ་ནི་གནས་མེད། སྐབས་མེད་དོ།། སྨྲས་པ། དེ་དེ་ལྟ་ལགས་ཏེ། བྱང་ཆུབ་ནི་གནས་མ་མཆིས་པ་ལ་གནས་པ་སྟེ། དེ་ནི་སུས་ཀྱང་མངོན་པར་རྫོགས་པ
iiif viewer powered by OpenSeadragon
