| e-texts navigator |
| Wylie |
258a1 པ་འོད་སྲུངས་ཆེན་པོ་བདག་ནི་དེ་བཟོད་སངས་རྒྱས་ཀྱི་ཆོས་རྣམས་དང་མཚུངས་པ་མ་ལགས་སོ།། དེ་ཅིའི་སླད་དུ་ཞེ་ན། བདག་ནི་ཐོགས་མ་ནས་ཀྱང་སངས
258a2 རྒྱས་ཀྱི་ཆོས་རྣམས་དང་མཚུངས་སོ།། སྨྲས་པ། བུ་མོ་གལ་ཏེ་ཁྱོད་སངས་རྒྱས་ཀྱི་ཆོས་རྣམས་དང་མཚུངས་ན། ཅི་སངས་རྒྱས་ཀྱི་ཆོས་དེ་དག་ཁྱོད་ལ་ཡོད་དམ་སྨྲས་པ། གནས
258a3 བརྟན་ཅི་སངས་རྒྱས་ཀྱི་ཆོས་སུ་གདགས་པ་འདས་པ་འམ། མ་འོངས་པ་འམ་ད་ལྟར་བྱུང་བ་འམ། ཡུལ་ན་གནས་པ་འམ། ཕྱོགས་ན་གནས་པ་འམ། སྔོན་པོ་འམ། སེར་པོ་འམ
258a4 དམར་པོ་འམ། དཀར་པོ་འམ། བཙོང་ཀ་འམ། ཤེལ་གྱི་ཁ་དོག་གམ་དངུལ་གྱི་ཁ་དོག་ལྟ་བུ་ལགས་སམ་སྨྲས་པ། བུ་མོ་སངས་རྒྱས་ཀྱི་ཆོས་རྣམས་གདགས་པ་ནི། ཁ་དོག་དང་དབྱིབས
258a5 ཀྱི་སྒོ་ནས་བསྟན་པར་མི་ནུས་སོ།། སྨྲས་པ། བཙུན་པ་གལ་ཏེ་སངས་རྒྱས་ཀྱི་ཆོས་རྣམས་གདགས་སུ་མ་མཆིས་པ་དང་། གདགས་སུ་མི་རུང་བ་ལགས་ན། དེ་ཅིའི་སླད་དུ་བདག་ལ་ཚོལ་བར་མཛད།
258a6 སྨྲས་པ། བུ་མོ་བོ་ན་སངས་རྒྱས་ཀྱི་ཆོས་གང་ལས་བཙལ་བར་བྱ། སྨྲས་པ་ལྟ་བའི་རྣམ་པ་དྲུག་ཅུ་རྩ་གཉིས་ལས་བཙལ་བར་བགྱིའོ།། སྨྲས་པ། ལྟ་བའི་རྣམ་པ་དྲུག་ཅུ་རྩ་གཉིས་ཀྱང་གང་ལས
258a7 བཙལ་བར་བྱ། སྤྲས་པ། དེ་བཞིན་གཤེགས་པའི་རྣམ་པར་གྲོལ་བ་ལས་བཙལ་བར་བགྱིའོ།། སྨྲས་པ། དེ་བཞིན་གཤེགས་པའི་རྣམ་པར་གྲོལ་བ་ཡང་གང་ལས་བཙལ་བར་བྱ། སྨྲས་པ། མཚམས
iiif viewer powered by OpenSeadragon
