| e-texts navigator |
| Wylie |
257a1 གནས་བརྟན་གྱིས་ཉོན་མོངས་པ་ཇི་མེད་སྤངས་པ་སྙེད་པའོ།། སྨྲས་པ། བུ་མོ་མཐའ་ཉོན་མོངས་པ་རྣམས་ནི་སྦྱངས་པ་མེད་དོ།། སྨྲས་པ། བཙུན་པ་ཉོན་མོངས་པ
257a2 དང་བཅས་པ་ལགས་སམ། སྨྲས་པ། ཁོ་བོ་ནི་ཉོན་མོངས་པ་དང་བཅས་པ་ཡང་མ་ཡིན། ཉོན་མོངས་པ་རྣམས་སྦྱངས་པ་ཡང་མ་ཡིན་ནོ།། སྨྲས་པ།། ཅི་བཙུན་པ་ཁྱོད་ཀྱིས་ཉོན་མོངས་རྣམས
257a3 བཞག་གམ། སྨྲས་པ། བསྐྱེད་པ་ཡང་མེད། འགག་པར་བྱས་པ་ཡང་མེད། བཞག་པ་ཡང་མེད་དེ། དེ་བཞིན་ཉིད་ཇི་ལྟ་བ་དེ་བཞིན་དུ་ཤེས་སོ།། སྨྲས་པ། ཅི་དེ་བཞིན་ཉིད་ཤེས་པར་བགྱི་བ
257a4 ཞིག་ལགས་སམ། སྨྲས་པ། དེ་ནི་མ་ཡིན་ནོ།། སྨྲས་པ། འོ་ན་ཅིའི་སླད་དུ། དེ་བཞིན་ཉིད་ཇི་ལྟ་བ་དེ་བཞིན་དུ་ཉོན་མོངས་པ་ཤེས་སོ།། ཞེས་གསུངས་གལ་ཏེ་མཁྱེན་ན་ནི་དེ་བཞིན་ཉིད
257a5 མ་ལགས་སོ།། ཅི་སྟེ་མི་མཁྱེན་ན་ནི་དེ་ལྟར་ན་བཙུན་པ་བྱིས་པ་སོ་སོའི་སྐྱེ་བོ་ཐམས་ཅད་དང་མི་ཤེས་པ་ཅན་དུ་མཚུངས་སོ།། སྨྲས་པ། བུ་མོ་ཁྱོད་ཀྱི་ཚིག་ཐམས་ཅད་ནི་གཞན་གྱི་ཚིག
257a6 གཅོད་པར་བྱེད་པའོ།། སྨྲས་པ། བདག་ནི་སུའི་ཚིག་ཀྱང་གཅོད་པར་ཡང་མི་བགྱིད། བསྒྲུབ་པར་ཡང་མི་བགྱིད་དོ།། དེ་ཅིའི་སླད་དུ་ཞེ་ན། ཆོས་ཀྱི་དབྱིངས་ནི་གཅད་ན་དུ་མ་མཆིས
257a7 པ་ལགས་ལ། ཚིག་ཐམས་ཅད་ནི་ཆོས་ཀྱི་དབྱིངས་སུ་ཡང་དག་པར་འདུ་བའི་སླད་དུའོ།། སྨྲས་པ། གང་ཁྱོད་ཀྱིས་བདག་བྱིས་པ་སོ་སོའི་སྐྱེ་བོ་ཐམས་ཅད་དང་བསྙམས་ཏེ། བཞག
iiif viewer powered by OpenSeadragon
