| e-texts navigator |
| Wylie |
256a1 སྲུངས་ཆེན་པོ་དེ་ཅིའི་སླད་དུ་ཞེ་ན། མིག་ནི་སྟོང་པ་སྟེ། སྟོང་པ་གང་ལགས་པ་དེ་ལ་ནི། བུད་མེད་ཀྱང་མ་མཆིས། སྐྱེས་པ་ཡང་མ་མཆིས་པའི་སླད་དུའོ།། བཙུན་པའོང།
256a2 སྲུངས་ཆེན་པོ་དེ་བཞིན་དུ། རྣ་བ་དང་། སྣ་དང་། ལྕེ་དང་། ལུས་དང་། ཡིད་ནི་སྟོང་པ་སྟེ། སྟོང་པ་གང་ལགས་པ་དེ་ལ་ནི། བུད་མེད་ཀྱང་མ་མཆིས། སྐྱེས་པ་ཡང་མ་མཆིས་པའི་སླད་དུའོ།།
256a3 བཙུན་པ་དེ་ལ་ནི་མིག་ཁོང་དུ་ཆུད་པ་གང་ལགས་པ་དེ་ནི། བྱང་ཆུབ་ལགས་སོ།། རྣ་བ་དང་། སྣ་དང་། ལྕེ་དང་། ལུས་དང་། ཡིད་ཁོང་དུ་ཆུད་པ་གང་ལེགས་པ་དེ་ནི་བྱང་ཆུབ་ལགས་སོ།། བྱང
256a4 ཆུབ་གང་ལགས་པ་དེ་ལ་ནི། བུད་མེད་ཀྱི་ཆོས་རྣམས་སམ། སྐྱེས་པའི་ཆོས་རྣམས་མ་མཆིས་སོ།། བཙུན་པ་འོད་སྲུངས་ཆེན་པོ་དེ་ལྟ་བས་ན། བྱང་ཆུབ་ཀྱི་ངོ་བོ་ཉིད་གང་ལགས་པ་དེ་ནི། བདག
256a5 གི་ངོ་བོ་ཉིད་ཀྱང་དེ་ལགས་སོ།། སྨྲས་པ། བུ་མོ་ཅི་ཁྱོད་བྱང་ཆུབ་ཡིན་ནམ། སྨྲས་པ། གནས་བརྟན་དང་བདག་ཅག་གཉིས་ཀ་ཡང་བྱང་ཆུབ་ལགས་སོ།། སྨྲས་པ། བུ་མོ་ཁོ་བོ་ནི་བྱང་ཆུབ་མ
256a6 ཡིན་གྱི། ཁོ་བོ་ནི་ཉན་ཐོས་ཡིན་ནོ།། སྨྲས་པ། བཙུན་པ་འོད་སྲུངས་ཆེན་པོ་ཁྱོད་སུས་བཏུལ། སྨྲས་པ། བུ་མོ་ཁོ་བོ་ནི་དེ་བཞིན་གཤེགས་པས་བཏུལ་ཏོ།། སྨྲས་པ། གནས་བརྟན་གལ
256a7 ཏེ། དེ་བཞིན་གཤེགས་པས་བཏུལ་ན། གལ་ཏེ་དེ་བཞིན་གཤེགས་པ་མངོན་པར་རྫོགས་པར་སངས་རྒྱས་སུ་ཟིན་ན། དེ་བཞིན་གཤེགས་པས་གནས་གཏན་གདུལ་བར་སྤྱོད་དམ། བུ་མོ
iiif viewer powered by OpenSeadragon
