| e-texts navigator |
| Wylie |
254a1 ཆོས་ཐམས་ཅད་ནི་ངོ་བོ་ཉིད་མེད་པ་སྟེ། རྣམ་པར་རིག་པར་མི་བྱེད་པའི་ཕྱིར་རོ།། ཆོས་ཐམས་ཅད་ནི་རྣམ་པར་རིག་པར་མི་བྱེད་པ་སྟེ། སྒྲོ་བཏག་པ་མེད་པའི་ཕྱིར་རོ།།
254a2 ཆོས་ཐམས་ཅད་ནི་སྒྲོབཏགས་པ་མེད་པ་སྟེ། ཡིད་ལ་བྱེད་པ་མེད་པའི་ཕྱིར་རོ།། ཆོས་ཐམས་ཅད་ནི་ཡིད་ལ་བྱེད་པ་མེད་པ་སྟེ། དམིགས་སུ་མེད་པའི་ཕྱིར་རོ།། ཆོས་ཐམས་ཅད་ནི་དམིགས་སུ་མེད་པ
254a3 སྟེ། འགྱུར་བ་མེད་པའི་ཕྱིར་རོ།། ཆོས་ཐམས་ཅད་ནི་འགྱུར་བ་མེད་པ་སྟེ། རྟོགས་པ་མེད་ཅིང་དཔྱོད་པ་མེད་པའི་ཕྱིར་རོ།། ཆོས་ཐམས་ཅད་ནི་རྟོག་པ་མེད་ཅིང་དཔྱོད་པ་མེད་པ་སྟེ། ཞི་བའི་ཕྱིར་རོ།། ཆོས
254a4 ཐམས་ཅད་ནི་ཞི་ཞིང་རབ་ཏུ་ཞི་ལ་ཉེ་བར་ཞི་བ་སྟེ། རྒྱུ་ལས་བྱུང་བ་མ་ཡིན་པའི་ཕྱིར་རོ།། ཆོས་ཐམས་ཅད་ནི་རྒྱུ་ལས་བྱུང་མ་ཡིན་པ་སྟེ། རང་བཞིར་གྱིས་རྣམ་པར་གྲོལ་བའི་ཕྱིར་རོ།། ཆོས་ཐམས་ཅད་ནི
254a5 རང་བཞིན་གྱིས་རྣམ་པར་གྲོལ་བ་སྟེ། རྣམ་པར་གྲོལ་བའི་མཚན་ཉིད་ཡིན་པའི་ཕྱིར་རོ།། ཆོས་ཐམས་ཅད་ནི་རྣམ་པར་གྲོལ་བའི་མཚན་ཉིད་དེ། གཉིས་དང་བྲལ་བའི་ཕྱིར་རོ།། ཆོས་ཐམས་ཅད
254a6 ནི་གཉིས་དང་བྲལ་བ་སྟེ། བགྲོད་པ་གཅིག་པའི་ཕྱིར་རོ།། ཆོས་ཐམས་ཅད་ནི་བགྲོད་པ་གཅིག་པ་སྟེ། སོ་སོ་ཐ་དད་པ་དང་བྲལ་བའི་ཕྱིར་རོ།། ཆོས་ཐམས་ཅད་ནི་སོ་སོ་ཐ་དད་པ་དང་བྲལ་བ་སྟེ།
254a7 བྱེ་བྲག་མེད་པའི་ཕྱིར་རོ།། ཆོས་ཐམས་ཅད་ནི་བྱེ་བྲག་མེད་པ་སྟེ། མཉམ་པ་ཉིད་ཁོང་དུ་ཆུད་པའི་ཕྱིར་རོ།། ཀླུའི་བདག་པོ་དེ་ལྟར་ན་ཆོས་ཐམས་ཅད་ཀྱི་མཉམ་པ་ཉིད་གང་ཡིན་པ་དེ་ལ་ནི་ལུང་བསྟན
iiif viewer powered by OpenSeadragon
